Тұрақты комиссия отырысында екі мәселе қаралды

#qyzylordatv Қала аумағындағы ауылдарды дамытудың 2023-2027 жылдарға арналған тұжырымдамасының орындалу барысы қай деңгейде? Кәсіпкерлікті дамыту, өнеркәсіп өнімдерін өңдеу бойынша қандай жұмыстар атқарылып жатыр? Бұл мәселелер қалалық мәслихаттың тұрақты комиссия отырысында талқыланды. Қалаға қарасты ауылдарды дамытудың 2023-2027 жылдарға арналған тұжырымдамасының орындалу барысы туралы қалалық экономика және қаржы бөлімінің басшысы Гүлнар Баймаханова баяндады. Өңірде елді мекендердің әлеуетін көтеру мақсатында бірқатар жұмыс атқарылуда. Атап айтсақ, қала іргесіндегі ауылдар 100 пайыз орталықтандырылған ауыз су желісіне қосылған. Көгілдір отынмен қамту көрсеткіші – 61,5 пайызды құрайды. Яғни, қала аумағындағы 13 елді мекеннің сегізі газдандырылған. Алдағы уақытта Қызылөзек ауылдық округінде газдандыру жұмыстары қолға алынбақ. Осы мақсатта жоба сметалық құжаттамаларын әзірлеуге қалалық бюджеттен 26,3 млн теңге қаржы бөлінген. Мұнан бөлек жол жөндеу, электр желілерін жаңарту жұмыстары да басты назарда. ГҮЛНАР БАЙМАХАНОВА, ҚАЛАЛЫҚ ЭКОНОМИКА ЖӘНЕ ҚАРЖЫ БӨЛІМІНІҢ БАСШЫСЫ \ Ауылдық округтер бойынша автомобиль жолдарының жалпы ұзындығы 445 км оның ішінде жөндеуді қажет ететін жолдардың ұзындығы 173,9 км. «Ауыл - Ел бесігі» бағдарламасы бойынша 2023-2025 жылдары Қызылорда қаласына қарасты ауылдық елді мекендерде бойынша 4 659 млн.теңге бөлініп, 2023-2024 жылдары 69,4 км 79 көшеге жөндеу жүргізіліп, пайдалануға берілді. 2025 жылы 30,2 км 27 көше күрделі жөндеу жүргізілуде\ Үстіміздегі жылы Қызылжармада 600 орындық «Келешек мектебі» пайдалануға берілсе, 2026-2027 жылдары Махамбет ауылдық округінде жаңа білім ошағы бой көтереді. Жиында қала аумағындағы ауылдардың бас жоспарын әзірлеу бағытында атқарылып жатқан жұмыстар да баяндалды. Тұрақты комиссия отырысының күн тәртібінде кәсіпкерлік және өңдеу өнеркәсібін дамыту мәселесі де қаралды. Бүгінде қала көлемінде 35 мыңға жуық кәсіпкерлік субектісі жұмыс істейді. Оның 4 мыңнан астамы өнеркәсіп саласына бағытталған. МҰХТАР ЖЕТІЛГЕНОВ, ҚАЛАЛЫҚ КӘСІПКЕРЛІК ЖӘНЕ ӨНЕРКӘСІП БӨЛІМІНІҢ БАСШЫСЫ \ Мемлекеттік бағдарламалар аясында кәсіпкерлердің жобаларын жеңілдетілген несиелендіру шаралары жыл сайын артып келеді ...\ Өңдеу өнеркәсібін дамыту мақсатында күріш ақтау зауыты, қағаз-картон өндірісі, шикізатты дайын өнімге қайта өңдеу зауытының құрылысы жүргізіліп жатыр. Бұл нысандар жыл соңына дейін іске қосылады деп күтілуде. Сала жетекшілерінің баяндамасын тыңдаған мәслихат депутаттары кәсіпкерлікті дамыту бағытындағы мемлекеттік бағдарламаларды халық арасында кеңінен насихаттау керектігін айтты. Сайт -
Facebook -   / qyzylordatv   Instagram -   / qyzylordatv   Telegram -
Tiktok -  / qyzylorda_tv