#НартайАралбайұлы #NartayNews #НартайНьюс #nartaynews #Еңбекадамы 🔹Спикер: Ерікжан Дәлібаев - Өскемен ТЖД-нің құтқарушысы, өрт сөндірушісі. №10 өрт сөндіру бөлімінің басшысы, подполковник. Олар мінберлерде, салтанатта көрінбейді, өйткені, өрт пен оттың, түтіннің арасында жүр. Олар жалақым аз немесе мәртебеміз кем деп налымайды, өйткені, сауапты да, жауапты жұмысын теңгенің емес, ар-намыстың таразысына салады. Олар күнделікті өзгенің өмірі үшін өз өмірін тәуекелге тігіп жүр.Олар таңертең жұмысқа кетіп, отбасына қайта оралмай қалуы мүмкін екенін біле тұра, сол жұмысына адалықпен, құрметпен, махаббатпен қарайды.Олар бүгінгі күннің батырлары! Бүгін біз нағыз еңбектің де, ерліктің де адамдары саналатын құтқарушы, өрт сөндірушілер жайлы баяндамақпыз. Жалындап тұрған жастық шағынан қызыл жалынмен күресемін деп бекінген, осы салада ұзақ жылдар бойы абыроймен қызмет атқарып келе жатқан, подполковник Ерікжан Дәлібаев бүгінгі кейіпкеріміз. Тәуелсіздік алған жылдардан бері елімізде 69 құтқарушы қызметтік міндетін атқару кезінде қаза тапқан. Қаншама жас ғұмыр жалында кетті. Мысалға, Астанада үш адамды өрттің өтінен алып шыққан, бірақ өзі ажал құшқан өрт сөндіруші Асқар Забикулиннің ерлігін тұтас ел біледі. Мемлекет басшысының тапсырмасы бойынша елорда көшелердің біріне Асқар Забикулиннің есімі беріліп, бюсті орнатылды. Оның есімі мен ерлігі халқының мәңгі жадында. Асқар сияқты бұл мамандықтың қауіпті екенін біле тұра таңдап, жалақысы төмен болса да, өрттің өтінде жүрген батырлар көп. Ерікжан Дәлібаев сияқты төтенше жағдайлар комитетінде білікті мамандар, аға буын өкілдері аз емес. Олардың өмірде және қызмет барысында жинаған тәжірибесі жас буынның қалыптасуына оң ықпал етері анық. Анығы сол құтқарушылар табиғи апаттан да, өрттен де қаймықпай, қарсы тұрып, әр адамның өмірі үшін күреседі. Өздерінің тілімен айтқанда "Әскери адам соғыста ғана сыналады, ал құтқарушы күнде". Сол қауіп-қатері көп мамандық иелеріне әуелі амандық тілегіміз келеді. Іргеміз тілсіз жаудан ада болсын! “Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер! Интаграм:
https://instagram.com/nartay_aralbayu... Фейсбук: / nartai.sarsengaliyev
