🌿 КЫҺАЛҔА КЭЛЭ ТУРУОҔА. ОННО БЭЛЭМ БУОЛ.

Кыһалҕа куруутун баар буолуоҕа. Онно бэлэм буол. Кыһалҕаны кыайар ньымаларгын бил. 🌿 Сайыҥҥа үктэммиппитинэн. Сайын саҕалламытынан! Быйыл сайыммыт харгыстардаах саҕаланна. Нам улууһугар тахсыбыт иэдээни бары билэ-көрө олоробут. Дьон сүөһүтэ-аһа суох хааллылар, үлэлээн-хамсаан оҥостубут баайа, дьиэтэ-уота ууга барда. Айылҕа күүһэ киһи кыаҕынааҕар быдан улахан. Онон аҥардас бэйэбитинэн эрэ буолбакка, тэҥ балансы тутан, айылҕа күүһүн-уоҕун, куйаар сокуонун учуоттаан көрөн эмиэ олорорбут оруннаах. Бу сайын уйулҕа бастакы ыһыаҕын тэрийэбин. Киһи бэйэтин көрүнэн, чувстволарын салайынан маннык ыарахан, кыһалҕалаах кэмнэри эстибэккэ, илистибэккэ, бэйэни сордообокко тахсарыгар үөрүйэхтэри, билиилэри үллэстэр ыһыах. Бэйэм олохпор үгүс кыһалҕаны ааспыт, уйбут буолан дьиҥ туһалыыр ньымалары, билиилэри көрдөрүөм, дьарыктыам. Бу туһунан сиһилии бүгүн күн сардаҥатыгар/вебинарбар сырдатыам. Киэһэ 19:00 чааска көрсүөххэ диэри. 🌐
Күн Тыгыйык - уйулҕаһыт, көҕүлээччи, урбаанньыт.