10 сыныпта оқитын қызды қатарластары екі кештің ортасында көзден таса жерге апарып соққыға жыққан
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Алматы облысында 10 сыныпта оқитын қызды қатарластары екі кештің ортасында көзден таса жерге апарып аяусыз соққыға жыққан. Және бұл әрекеттерін видеоға түсіріп, әлеуметтік желіде жариялапты. Қорлық көрген қыздың ата-анасы енді балалары оқитын мектептің директорынан бастап жұмыстан кетуін талап етуде. Өйткені олардың айтуынша, білім ордасының басшылығы оқиға мәлім болғанда күш қолданған жеткіншектерге ешбір шара қолданбаған. Әңгімені мектеп қабырғасынан сыртқа шығармай, істі жылы жабуға тырысты дейді. {4} Ал бұған білім ордасының қызметкерлері не дейді? Жеткіншектер арасындағы кикілжің неден басталған? Әріптесім Оразай Нұртайұлы анықтап көрді. Сұра дедім. Э, сұра дедім. Мен саған адамгершілікпен жақсы қарағанымды ценить етпедің бе, көрсетемін саған. Өзінен барып сұрашы, рас айтамын. Я ничего не делала. Оқушы қызға күш қолданып, балағаттап қана қоймай мәжбүрлеп кешірім сұратқан жасөспірімдер түсірген бейнежазба осы. Зәбір көрген жеткіншектің айтуынша, оны қатарластары тамыздың 29-ы кешқұрым сыртқа шақырып, жапан далада соққыға жыққан. Ақша бопсалап, талап орындалмаса жайына қалдырмайтынын айтқан дейді. Әлім келмеді. Екі қыз болды. "Қалтамда лезве бар" деген соң қорықтым. Сол жерде өліп кетемін бе деп ойладым. Үйге жете алмаймын ба, айдалада қалып кетемін бе деп қорықтым. Неге ата-анаңа бірден айтпадың? Үйде болған жоқ мамалар. Жолда болды. Мен уайымдадым. Дальнобойшик болып жұмыс істеген соң жолда бірдеңе болып қалса ертең, бұл іс былай қалып, ата-анамның бола ма деп қорықтым. Бейнежазба әлеуметтік желіде тарағаннан кейін соққыға жығылған қызды жақтағандар екі жеткіншекке қыркүйектің 10-ы күні мектеп дәретханасында жасаған әрекеттері үшін қысым көрсетіпті. Білім ордасының басшылығы болған істі сол кезде ғана білген. Жанжал шығарған оқушылардың ата-аналарын шақырып, мән-жайды анықтауға кіріседі. Қорлық көрген қыздың өзінен де жауап алыпты. ӘЙГЕРІМ ҚҰЛМАМБЕТОВА, қыздың анасы: Қызым шыдамағаннан кейін "Апа, маған қысым көрсетіп жатыр" дегеннен кейін апасына звондап, апасын шақырған. Ал оған дейін жарты сағат қызды қысымға алған. Ата-анасыз. Ешкімді шақырмай. Мен осыдан 2 күн бұрын түнде ғана білдім. Анасының айтуынша, мектеп басшылығы қыздың әжесінен жауап алған соң ары қарай шара қолданбаған. Туған әке-шешесіне сол кезде де, кейін де тіс жармай, дауды білім ордасының қабырғасынан шығармай тоқтатты дейді. Ал мектеп директоры тиісті жұмыстар жүргізіліп жатыр деп сендірді. ДАРХАН НАҚЫСБЕКОВ, кемертоған орта мектебінің директоры: Құзырлы мекемелерге шағымдар тасталынды ғой. Құзырлы мекемелер анықтайды. Анығын, ақ-қарасын шешеді. Белгілі болғандай, мектеп басшылығы оқиға жайлы аудандық білім бөліміне де хабарламаған. Сұмдық жайтты бүгін ғана білген білім бөлімінің өкілдері енді тиісті шара қабылданады деп отыр. АСХАТ ИГИБАЕВ, Қарасай ауданы білім бөлімінің заңгері: 10 қыркүйек болған мәселені ғана қарастырмай. Оның алдында болған видеоны да назарға алу керек еді. Өйткені көрсеттік деп отыр, дұрыс па? Видеоны көріп тұрып, сол кезде шара қолдану керек еді бізге хабарлап. Қыздың ата-анасы мектеп басшылығының жұмыстан кетуін талап етеді. Олар бүгінде полициядан бөлек, прокуратура мен өзге де жауапты мекемелерге арызданып жатыр. Оразай Нұртайұлы, Влад Шишко, ИБ, Алматы облысы. ---------------------------------------------------- Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Біз барлық әлеуметтік желідеміз, тіркеліңіз: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
