Сувтушар шаршараси Қашқадарё вилоятининг Шаҳрисабз туманида, Сувтушар қишлоғи яқинида, Ҳисор тоғлари бағрида, денгиз сатҳидан 2130 метр баландликда жойлашган. Асл номи Суттушар — сув оппоқ бўлиб тушгани учун шундай номланган. Шаршарадан оқувчи сой бир неча қишлоқлар учун ичимлик ва суғориш вазифасини бажаради. Охири Ҳисорак сув омборига қуйилади. Сувтушар шаршараси суви Осмонталош чўққиси ва атрофдаги тоғлардан келади. 4 кубометр сув тушади. Қишда музлайди.
