Асыл азаматпен қоштасу.(Жамбыл облысы,Сарысу ауданы, Жаңатас қаласы.24.03.2021ж.)

Кеше,яғни 2021 жылғы наурыз айының 23-і жұлдызында Жамбыл облысы ,Сарысу ауданының орталығы Жаңатас қаласының тұрғыны, 1986 жылы Алматы қаласында орын алған Желтоқсан көтерілісіне қатысушы,адал досымыз,ақкөңіл ағамыз,ұйымымыздың белсенді мүшесі Қарақұлов Кенжебек Қадырқұлұлы дүниеден озды. Кенжебек Қарақұлов 1957 жылғы наурыз айының 21-і жұлдызында сол кездегі Оңтістүк Қазақстан,кәзіргі Түркістан облысы,Отрар ауданы,Қарғалы ауылында дүниеге келген.1974 жылы туып өскен ауылында В.И.Ленин атындағы орта мектепті бітірісімен 1978 жылға дейін ПМК-2507 мекемесінде еңбек етті.1981 жылы аудандық комсомол комитетінің жолдамасымен Жамбыл облысы Сарысу ауданы Жаңатас қаласына келіп еңбек жолын жалғастырды.1982 жылы Алматы зооветеринарлық институтына оқуға қабылданып,1987 жылы осы аталған оқу орнының толық курсын аяқтап,мал дәрігері мамандығын алды. Осы жылдан бастап Сарысу аудынындағы совхоздарда елеулі еңбек етті.1991-1993 жылдар аралығында Жаңатас қаласында залалсыздандыру мекемесінің басшысы қызметінде болды. Аудан басшылары Кенжебек Қадырқұлұлының еңбекқорлығын,іскерлігін және ұйымдастыру қабілетін байқап 2000-2004 жылдары Жаңарық және Жаңаталап ауылдық аймақ әкімдіктеріне бас маман қызметіне тағайындады.2004 жылдан бастап Кенжебек Қарақұлов Жаңатас қалалық әкімшілігіне бас маман қызметіне қабылданы.2020 жылға дейін осы қызметте абыройлы еңбек етіп құрметті зейнеткерлікке шықты. Кенжебек Қарақұлов туған жеріне бүгін жерленді. Қатарлас жүрген замандасымыздың бұл жарық дүниеден кеткенін естігенде қабырғамыс қайысты,көзімізге жаста алдық. «Алланың ісі» деп өзімізді жұбатқандай болдық.Ағамыздың жатқан жері жайлы,топырағы торқа болсын.Жасай алмаған ғұмырын,көре алмай кеткен қуанышын алла артынан қалған ұрпағына нәсіп етсін. «Тәуелсіздік таңы Желтоқсан» РҚБ-ң Сарысу ауданы бойынша филиалы және «Жамбыл облысы Желтоқсан-86» ҚБ-ң Сарысу ауданындағы бөлімінің атынан Нұржан Есмаханов.