Адам паппиллома вирусына қарсы вакцинациялау жүреді

Осы қыркүйек айынан бастап адам паппиллома вирусына қарсы жасөспірім қыздарды вакцинациялау жүреді. Екпе ерікті түрде ата-ана рұқсатымен салынады. Қазіргі таңда Қазақстанда жатыр мойны дерті, сүт безі обырынан кейін екінші орында. Әлемде 600 мың әйел осы дертпен күресуде. Ал елімізде жыл сайын 2 мыңға жуық жаңа жағдай тіркеледі. Сондықтан сала мамандары вакцина салу - аурумен күресудің маңызды қадамы екенін ескертеді. Дүниежүзілік денсаулық сақтау ұйымының ұсынымдарына сәйкес жатыр мойны обырына қарсы «90-70-90» стратегиялық бағдарламасы ұсынылды.