Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
Бұл Жібектің жөні бөлек. Шығармашылық топтың классиканы поп-спектакльге айналдырып тастамағанына рақмет. Көрерменді өзінің мәдени құндылығына қайта ғашық еткеніне рақмет. Материалдың олқы тұсы болса, астаналық театрларға жабамын. Өйткені мен сияқты көрерменді тәрбиелеп алған өздері!) Оңды тұсы да өздерінің үлесі. Дәл осы кезеңде – театр әлемінде дөп қозғалыс жүріп жатқан соңғы үшжылдықта бұл тыныс-тіршіліктің айналасынан табыла қалғаныма қуаныштымын. ХХ ғасырдың қолтаңбасын ХХІ ғасырдың өз үні алмастырып жатқан маңызды уақыт. Көрермен ойын-сауықтық қойылымдар арқылы театрға келе берсін. Кейін нағыз театрдың қандай спектакльдерден көрінетінін түсінсе болды. Шығармашылыққа, шыңдалуға, өз шындығын нағыз суреткердей жеткізуге тоймай жатқан бұл буынның жанкүйерімін. Еуропадан арнайы келіп қойып жүрген режиссер, балетмейстерлердің де еңбегін көрдім. Объективті қарасақ, олардың барды бар қылып қана баяндай алатын, (қымбат гонорарын ақтайтын) қымбат декорациямен ойнайтын деңгейінен біздің авторлар осы үшжылдықта аман-есен өтіп кеткен сынды. Мүмкін сіздің бақылауыңыз әріректе басталған шығар? Алып-қосарыңыз болса, мархабат, көрермен! Материал авторы: Назерке Бұрхан Монтаж режиссері: Айнаш Ғайнулла Қоюшы оператор: Нұрлан Әлмұхамбет Локация: Қаллеки театры, Гүлмамыр Нұржанның дизайн студиясы
