Енді осы жыныстық қатынас мәселесіне тоқталайық. Өткен апталарда телеарналар мен әлеуметтік желілерді шулатқан секс-құлдықта болған оқушы қыз туралы ақпарат абыройды айрандай төккен ақпар болды. Бірнеше жылдан бері ұлттық бірыңғай тестілеуде жоғары көрсеткіштерге қол жеткізіп, мектептердегі орын тапшылығын жою үшін бірнеше мектептің жанынан қосымша ғимарат салып, ұлттық жоба аясында екі жылда 21 мектеп салуға мүмкіндік алып отырған облыстың күні оңынан шықпады осылайша. Баланың тәрбиесіне қатысты біренше рет жиын өтіп, мектеп директорлары оның әрқайсысына арнайы қатысса да айтылғаннан нәтиже шығаруға асықпағаны ма? Білім ордасында жарты жылдан бері сондай былық боп жатқанынан хабарсыз болатындай, көзі көр, құлағы керең, тілсіз туылғандар жұмыс істеген бе 7 мектепте?
