Бердібек Соқпақбаев «Менің атым – Қожа» Ностальгия

Қазақ баласының еркін бейнесін көрсететін, қайсар мінезді Қожаның қызықты іс-әрекеттерін тамашалауға шақыратын қойылым позитивке, балалық қиялға толы. Балалық шақ – адам өміріндегі ең ғажап уақыт. Ол кезең кімді болмасын сағынтпай қоймайды. Бұл жанға жылу ұялататын, балалық шақтың тәтті сәттеріне, мейірімге толы шақ. «Менің атым Қожа» спектаклі адамның ой-өрісі мен танымын ұшқыр қиялға жетелеп, жас көрерменді кейіпкерлер бойындағы ізгі қасиеттерді үлгі етуге, адамгершілікке баулиды. Инсценировка авторы және қоюшы-режиссері – Фархад Молдағали («Дарын» Мемлекеттік жастар сыйлығының лауреаты) Суретшісі – Талғат Мамаев Костюм суретшісі – Мадина Қосмағанбетова Режиссер ассистенті – Әлия Исаева Жарық суретшісі – Назым Утесинова Музыкамен көркемдеген – Азат Әшірбаев