Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
«Тарих Time» — Қазақстан Республикасы Мемлекеттік орталық музейінің алғаш рет жүзеге асырған авторлық подкаст жобасы. Жобаның басты мақсаты – еліміздің тарихи-мәдени мұрасын түгендеп, тыңдарманға археология, этнография, реставрация және тарих саласындағы майталман мамандардың сырлы сұхбаттары арқылы ұлттық құндылықтарды кеңінен таныстыру. Алғашқы шығарылымның қонағы – елімізге белгілі реставратор, суретші, этнограф, «Алтын адам» жаңғыртпасының авторы, «Қырым аралы» зертханасының жетекшісі, «Құрмет» орденінің иегері, Қырым Алтынбеков. Көп жылдар бойы ҚР Мемлекеттік орталық музейі мен Қырым Алтынбеков жетекшілік ететін «Қырым аралы» зертханасы тығыз шығармашылық және ғылыми байланыста жұмыс істеп келеді. Осы ынтымақтастық нәтижесінде сан алуан тарихи мұраларымыз зерттеліп, қалпына келтірілді. Подкаст барысында келесі тақырыптар кеңінен қозғалды: «Алтын адам» жаңғыртпасының тарихи, рухани және мәдени мәні Берел қорғандарынан табылған жылқыларды зерттеудегі ерекше ғылыми тәсілдер Қырықжапырақ бейнесінің көне дәуірдегі тотемдік мәні Тарихты бұрмаламай, шынайы қалпында жеткізудің маңызы Қазақ өркениетінің биік деңгейін дәлелдейтін археологиялық және мәдени мұралар Бұл подкаст – өткеннің үнін бүгінге жеткізетін, тыңдаған жанды терең ойға жетелейтін ерекше жоба. Ұлттық тарих пен рухани мұраны дәріптейтін «Тарих Time» подкасты сізге де ой саларына сенімдіміз.