Тікелей эфир «Бақытты отбасы – бақытты ел»

Отбасы күні қарсаңында біздің кітапханаға Қазақстан Халық партиясының Әйелдер қанатының жетекшісі, «URPAQ» қазақ мәдени-ағарту орталығының төрайымы, М. Қозыбаев атындағы СҚУ-дың заң ғылымдарының кандидаты Мұсабаева Гүлбахша Нұрмұқанқызы қонақ болды. Кездесу барысында ол отбасы құндылықтарының мәні мен маңызына тоқталып, оларды сақтап, жаңғырту жолында жүзеге асырылып жатқан іс-шаралар туралы айтты. Гүлбахша Нұрмұқанқызы жастар арасындағы ажырасу мәселесінің көкейкестілігін атап өтіп, отбасын нығайтуға қатысты ұсыныстарымен бөлісті. Оның ішінде әкенің, жалпы ер адамның беделін көтеру, аналардың әр отбасы мүшесіне көбірек көңіл бөлу қажеттігі айтылды. Сондай-ақ ол балаларды еңбекке баулу мәселесін көтеріп, отбасында да, мектепте де еңбек тәрбиесін қайта жаңғырту маңызды деген ой білдірді. Заманауи тақырыптар да назардан тыс қалған жоқ. Спикердің айтуынша, жасанды интеллект тұрмыстық қызметтің бір бөлігін жеңілдетіп, отбасы мүшелерінің бір-бірімен қарым-қатынасқа көбірек уақыт бөлуіне мүмкіндік береді. Толығырақ – біздің эфирімізде! #БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Информация #Чтение #Книги #KultSKO #sqomadeniet #ТікелейЭфирБақыттыОтбасыбақыттыел