«Өзін-өзі екі рет атқан». Түркістан облысында 18 жастағы сарбаз жерленді

ҰҚК-нің Шекара қызметіне қарасты әскери бөлімде борышын өтеп жүргенде көз жұмған 18 жастағы Мұхамедияр Тастан өткен сенбіде Түркістан облысындағы өз ауылына жерленді. Ұлынан қапыда айырылып қалған әке-шешесі оның «өзіне-өзі екі рет оқ атқанына» сенбейді. Сарбаздың денесін әкелген әскерилер тергеу жүріп жатқанын айтты. Жаназаға Азаттық тілшісі Дилара Иса қатыстып, марқұмның туыстарымен сөйлесті.