Өрөспүүбүлүкэтээҕи Олоҥхо Ыһыаҕын түгэннэрэ.

Өймөкөөҥҥө ыытыллыбыт олоҥхо ыһыаҕар Уус Алданнар тэрээһиннээхтик кыттыыны ыллылар. Улуус делегациятын салайан илдьэ сырыттылар улуус баһылыгын солбуйааччыта Семен Бурнашев, улуустааҕы культура управлениятын начальнига Иннокентий Аммосов. Делегацияны Өймөкөөннөөҕү кииннэммит балыыһа коллектива көрсөн, сылаас, минньигэс аһынан күндүлээтилэр. Улууспут уран уустарын быыстапкатыгар СӨ Ил Дархана Айсен Николаев, СӨ Бырабыыталыстыбатын Бэрэссэдээтэлин солбуйааччыта Сергей Местников, СӨ Ил Түмэнин Бэрэссэдээтэлин бастакы солбуйааччыта Александр Жирков, СӨ культураҕа уонна духуобунай сайдыыга миниистирэ Юрий Куприянов, СӨ тыатын хаһаайыстыбатын Бэрэссэдээтэлин бастакы солбуйааччыта Петр Попов, экстремал айанньыт Дугуйдан Винокуров уо.д.а. ыалдьыттаатылар. Улуус дьаһалтатын пресс-сулууспата.