"ЕЛ КӨШКЕНДЕ" Үш Ойғырдың басынан ел көшкені-ай. Қара желі Қобданың желдеткені-ай. Бейбіт күнде бөлініп ағайыннан-ай. Ойды күдік, бойды мұң меңдеткені-ай. Қайырмасы; Бұзылмаған қаймағың. Керей, Уақ, Найманым. Кімге тастап барасың. Баян-Өлгей аймағын.?! Қия алмайсың қиналып сүйікті елді-ай. Мөлдір бұлақ қарлы тау биіктерді-ай. Неге ғана мен ылғи көш берем-ай. Көше беру еншіме тиіп пе еді-ай Қайырмасы; Керей, Найман, Уағым. Күнгей бетім, шуағым. Тілім салтым байлығым. Мөлдір бастау, бұлағым.! Жер ұйығы Ойғырда-Жебеті, Усай. Жылқым өріп барады жусай-жусай. Жаны жомарт Моңғолдар бауырларым-ай. Тумасақта болып ек туысқандай-ай. Қайырмасы; Урианхай, Тува, Дөрбетім. Дөңгеленген келбетің. Ел көшкенде жер жетім. Мен көшкенде сен жетім. Ешкім кесіп кетпейді ат кекілін-ай. Ата жұртым шақырды ашты есігін-ай. Көшкеніде қарыздар қалғаны да ай. Сен аман бол, туған жер бақ бесігім-ай. Қайырмасы; Найман, Уақ, Керейім. Мақтанышым мерейім .Түтініңді түзерсің. Бұдан артық не дейін. Ойғыр әкең болғанда, Соғақ шешең-ай. Ойға көсем емеспін, сөзге шешен-ай. Тауекелге бел буған ағайындар-ай. Ата жұртқа жетіңдер аман есен-ай. Қайырмасы; Көшуге бел байлаған. Көліктерін сайлаған. Ағайынға ақ сапар. Ұрпақ қамын ойлаған. Алыс кетіп жүдеген. Сағынышы үдеген. Ағайынның бұл әнім. Амандығын тілеген.
