Келер жылы парламент құрамы жаңарады. Бірақ толықтай емес. Өйткені бірқатар партиялар биыл да депутат болған мүшелерін қайта кандидаттар тізіміне енгізіпті. Бірақ үміткерлер қатарынан шығып, "Қош, Мәжіліс!" деп кететін азаматтар да бар. Тілшіміз Гүлназ Сайлауқызы партиялар ұсынған тізімдерді салыстырып, Мәжілістегі креслосынан айырылатын кімдер екенін анықтап көрді. Жетінші сайланымда парламентке баратындар тізімінен алдымен зейнет жасындағы депутаттар сызылған сияқты. Оларды Қуаныш Сұлтанов бастап тұр. 2001 жылдан бері парламентті айналшақтап жүрген Сұлтанов енді депутат болмайды.Алайда Сұлтановтың Косаревтің жасына дейін мәжілісте отыруына кезінде көтерген бастамасы да көмектесе алмаған сияқты. Ал Зағипа Балиева, Майра Айсина, Гүлмира Исімбаев, Бақытжан Ертаев пен Абай Тасболатовтар да биылғы партия тізіміне ілінбегендер қатарында. Тіпті, үшінші сайланымнан бері Бекболат Тілеухан екеуі иық тіресіп келе жатқан Нұртай Сәбильянов та енді депутат болмайды. Ал Бекболат Тілеухан жетінші сайланымда қайтып келуі әбден мүмкін. СЕРІК ӘБДІРАХМАНОВ, саясаткер:– Енді профессионал әртістер де керек қой. Айтар кезде айқайлап тұрып айтып беретін ондай да әртістер керек. Ал көптің есінде «халық тізерлеп үкіметтен кешірім сұрасын» деген сөзімен қалған Владимир Божконың парламентке келу-келмеуі белгісіз. Өйткені ол Ассамблея атынан сайланған депутат. Бірақ 5 жыл бойы Мәжілісте отырса да, халықтың мәселесін көтеріп сауал жолдамайтын депутаттар да көп. Мысалға, Евгений Козлов, Ольга Шишигина, Александр Суслов, Сәкен Қаныбеков, Шакир Хахазов, Тарас Хитуов, Серік Сейдуманов секілді депутаттардың мүлде үні шықпай кетіп бара жатыр. Ал аз уақыт мәжілісте жүріп, біраз мәселені көтерген жас депутаттар қисық жүйенің қиқалаңына шыдай алмапты. НҰРЖАН ӘЛТАЕВ, ҚР Парламенті Мәжілісінің депутаты: – Мен өтірік депутат болғым келмейді. Ол Парламентте халықтан шыққан, шынымен де халықтың мүдделерін қорғайтын азаматтар болуы керек. Ол үшін біз баяғы можаритарлық сайлауға қайтуымыз керек.Мен ойлаймын Парламентте Нұр Отан партиясына халықтың мүддесін ашық қорғайтын, Үкіметті сынайтын кейбір кезде билікті сынайтын азаматтар керек емес сияқты. ГҮЛНАЗ САЙЛАУҚЫЗЫ, тілші:– Жетінші сайланымда әдеттегідей билік партиясынан сайланатын депутаттар басым болар анық. Ал саясаткер Серік Әбдірахманов Мәжілістің келесі спикері Дариға Назарбаева болады деп болжап отыр. Бір жарым ай қалған саяси науқанға кімдерді қатыстыратынын ЖСДПдан өзге партиялар түгел жариялап болды. 5 жыл бойы бір орында отырған халық қалаулыларының дені енді орнын босатады. Ал саясаткерлер жүйе толық өзгермей, елдегі жағдай да сол қалпы қала бермек дейді. Гүлназ Сайлауқызы, Нұркен Тоқмурзин Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31
