Керим Турапов - Туулган жер. Оркестрдин коштоосунда. Апам жапкан нанды сагынам.

Улуттук Филармониянын Асанкан Жумакматов атындагы Мамлекеттик Академиялык Симфониялык Оркестри. Сөзү, Обону: КРнын Эл Артисти, Улуттук Филармониянын солисти Керим Турапов. Автордун аткаруусунда. Дирижер: КРнын Эл Артисти, Рахатбек Осмоналиев. Туулган жерди сагынуу. Кылымдардан кылым карытып, Кызыл-Суунун суусу агылып. Бал жыттанган таттуу кымыздай, Туулган жердин суусун сагындым. Жүрсөм дагы алыс араңдан, Ата Журтум кетпейт санаамдан. Акыл айтып, асыл кеп айткан, Аталардын кебин сагынам. Сары-Ой менен Көк-Ой тоосунан, Бүркүт шаңшып, күкүк сайраган. Ышкын терип аска-зоосунан, Жүргөн күнүм эстеп сагынам. Жылаңайлак, чырпык ат минип, Жылгалардан тунук суу кечип. Балтырымды тилип караган, Балалыгым эстеп сагынам. Коңур-Дөбө - жайлоо, жашыл төр, Коңур желдүү, салкын, асыл жер. Кокту, белес, күнгөй-тескейден, Кой кайтарган күнүм сагынам. Түндүгүнөн түтүн булатып, Апам жапкан нанды сагынам. Үйүр-үйүр жылкы айдаган, Атам жүргөн жерди сагынам. Үйүр-үйүр жылкы айдаган, Атам конгон журтту сагынам. #жаныырлар #кыргызстан #кыргызчаырлар #жаныклип #ырлар #тансыры #керимтурапов #туулганжер #хитырлар #атамекен