ҚАЗАҚСТАН МУЗЕЙЛЕРІ: Астанадағы "EXPO-2017" музейі

Құрметті көрермендер, сіздердің назарларыңызға "ҚАЗАҚСТАН МУЗЕЙЛЕРІ" жобасы аясында Астанадағы "EXPO-2017" музейі және жалпы ЭКСПО жайлы баяндайтын ҚазҰУ Телерадиокешені дайындаған "ӘЛЕМГЕ БАҒЫТ БЕРГЕН EXPO" деректі фильмді ұсынамыз. Тілі: түпнұсқа қазақ тілінде Субтитр: орыс тілінде Ұзақтығы: 24:18 мин. Астанадағы EXPO-2017 Халықаралық мамандандырылған көрмесі 2017 жылдың 10 маусымы мен 10 қыркүйегі аралығында ұйымдастырылды. Бұл Көрмеге 115 мемлекет пен 22 халықаралық ұйым қатынасты. Мұнда Көрме кешенінің құрамына кіретін 4 мың пәтер, жаңа мейманхана, ұлттық павильон, тақырыптық және корпоративтік павильондар, ойын-сауық және қызмет көрсету нысандары орналасты. Осылайша, Астана үш ай бойы бүкіл адамзаттың жетістіктерін әйгілі еткен басты алаңға айналды. Ал, мұндағы барлық іс-шаралар 6 алаңда: Амфитеатр, Көрме аумағы, Ұлттық күн сахнасы, Өнерлер орталығы, Энергия холы және Конгресс орталықта ұйымдастырылып өткізілді. Бұл көрме Қазақстандағы жетекші жоғары оқу орны - әл-Фараби атындағы Қазақ Ұлттық университетінің ғылыми әлеуеті мен жетістіктерін көрсетуге жақсы мүмкіндік болды. Ұлттық павильонның орталық бөлігінде «жасыл экономика» бағытында еліміздің өңірлерінде жүзеге асқан және көрмеге сай тақырыпты қамтитын отандық ғалымдардың 50-ден аса ең үздік жобалары қойылды. Олардың арасында әл-Фараби атындағы ҚазҰУ ғалымдары да ғылыми-инновациялық жобаларын көрермен назарына ұсынды... #Qazaqstan_muzeileri #AlFarabiUniversity #TRCKazNU