ЭМБРИОНДЫ ТАСЫМАЛДАУ КҮНІНЕ ҚАЛАЙ ДАЙЫНДАЛАМЫЗ?🤔 Видеода репродуктолог дәрігер Қосетова Аяулым Беріболқызы @doctor.kossetova Эмбрионды (embryo transfer-ET) жатыр қуысына тасымалдау туралы түсіндіріп береді. Эмбриондарды тасымалдау ЭКҰ бағдарламасының соңғы сатысы. ⠀ ❓Манипуляцияның алдында пациенттердің жиі қоятын сұрақтары: эмбрионды тасымалдауға қалай дайындалу керек? су ішудің қажеті бар ма? эмбрионды тасымалдауды қалай жасайды? процедура кезінде ауыра ма? тамақ ішуге бола ма? ⠀ 🔴Эмбрионды тасымалдау күніне қалай дайындалу керек? ✅тасымалдау кезінде қуық шамалы толы болуы керек (суды 1-2 сағат бұрын іше бастаңыз) ✅тамақ жеуге болады (жеңіл таңғы ас ішсеңіз болады) ✅косметикалық заттарды пайдаланбай таңертең жылы душ қабылдаңыз ✅макияжсыз, парфюмерияларды (духилар, дезодоранттар) қолданбай келу керек ✅процедураға жақсы көңіл-күймен келіңіз. ⠀ 🔴Эмбрион тасымалдануы қалай жүргізіледі? 👉операция бөлмесінде абдоминалды УДЗ бақылауымен және шамалы толған қуықпен жасалады, бұл жатыр қуысын жақсы көруге көмектеседі 👉процедура толығымен ауырсынусыз өтеді, сондықтан анестезия қажет емес 👉эмбрионды тасымалдамас бұрын, эмбриолог пациенттің аты-жөнін сұрап және эмбриондар оған тиесілі екеніне көз жеткізеді (жатыр қуысына тасымалданатын эмбриондардың сапасы мен саны туралы айтады (1 немесе 2)) 👉дәрігер әдеттегі гинекологиялық тексеру кезіндегідей айна қойып, жатыр мойнынан жатыр қуысына жұқа жұмсақ өткізгіш енгізеді, содан кейін дәрігер эмбриологқа науқастың дайындығы туралы хабарлайды 👉эмбриолог катетерге аз мөлшерде қоректік орта мен эмбрионды алып, катетерді репродуктологқа береді 👉дәрігер эмбриондарды тасымалдауды жүзеге асырады, өткізгіш арқылы эмбрионы бар катетерді өткізіп, катетерге бекітілген шприцтің поршенін басу арқылы эмбрионды жатыр қуысына енгізеді 👉сосын катетерді алып, эмбриологқа анализ үшін беріледі. Маман барлық эмбриондардың жатырға енгізілгеніне көз жеткізуі керек 👉УДЗ арқылы жатыр қуысында ауа көпіршігін көре аламыз, ал оның ішінде сіздің көптен күткен және қазыналы эмбрионыңыз бар. 👉манипуляцияның ұзақтығы - 3-5 минут.
