"Адырна" ұлттық-этнографиялық бірлестігі Алматы қаласы Қоғамдық Даму басқармасының қолдауымен Алаш қайраткерлерінің сүбелі ойлары мен мағынасы зор өлеңдерін назарларыңызға ұсынуды жалғастырады. Ұлтқа үлгі болған Алаш арыстарының асыл сөздерін жадымызда ұстап, болашақ ұрпаққа жеткізу – парыз. Келесі назарларыңызға ұсынатын туынды – қазақтың белгілі жазушысы, ақын, көрнекті мемлекет және қоғам қайраткері, қазақ әдебиетінің негізін салушылардың бірі, "Қазақ әдебиетінің ақсұңқары" атанған Сәкен Сейфуллиннің 1925 жылы жазған "Ананың хаты" өлеңі. Жазушы 1917 жылы «Жұбату» атты тұңғыш әңгімесін жазды. 1922 жылы «Асау тұлпар» атты өлеңдер жинағын, «Бақыт жолында», «Қызыл сұңқарлар» пьесаларын жазды. «Домбыра» (1924), «Экспресс» (1926), «Тұрмыс толқынында» (1928), «Көкшетау» (1929) өлең-поэмалар жинақтарын, «Тар жол, тайғақ кешу» атты тарихи мемуарлық романын (1927), «Жер қазғандар» повесін (1927) жарыққа шығарды. Мұнан бөлек бірнеше пьесалары да жарияланды. Анасының ұлына жазған хатын тыңдап, бағасын беріңіздер. Оқыған: Жансая Сман
