Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
1-мамырдан бастап «Автопарк» ЖШС-і қоғамдық көліктегі жол ақысын көтереді. Үлкен сыйымдылықтағы қоғамдық көліктерде жол жүру 55 теңге. Ал шағын автобустарда жүру ақысы 60 теңге болып бекітілді. Теңгенің құлдырауынан туындаған қымбатшылық «Автопарктің» ішкі шығындарын көбейтіп жіберген. Негізгі себеп осы. Жолаушылардың пікірімен бүгінге дейін ешкім де санасқан емес. Бұл жолы да солай. Монополист мекеменің жолақысын көтеру туралы өтінішіне қалалық әкімдік оң жауап берді. Автобустарда ақысыз және жеңілдікпен жүруге құқылы адамдар санаты бұрынғысынша сақталады. Жеңілдіктер жаңа бағаға сай есептеледі. Бұрын Ақтөбе қалалар арасында қоғамдық көліктегі ақының төмендігімен ерекшеленетін. Қазір бұл орында Ақтау қаласы. Қалалық әкімдікте бұған дейін Ақтөбеде қоғамдық көліктердің қозғалыс кестесін реттеу жұмыстары қолға алынатындығы айтылды. Мейіржан Өндіргенов қазір ғылыми-зерттеу институттары осы бағытта жұмыс жасап жатқандығын жеткізді. Бірақ, қала көшелерін кеңейтіп, жолдарды дұрыстамайынша зерттеулердің пайдасы шамалы деп отыр. Айта кеткен жөн, бірінші мамырдан бастап «Троллейбус паркі» де жол ақысын 55, 60 теңгеге көтереді. Мекеме басшылығының түсіндіруінше қоғамдық көліктегі баға бірдей болуы қажет.
