Өспен. Успен. Нілді

Өспенім -- махаббатым! Күнгейде ақ жүзіне күн шағыла, Өспенім Нілді таудың құшағында. Ақ ару ақ махаббат қол бұлғайды Айналған тәтті қиял гүл сағымға. Өспенім жүрегімнен орын алған, Сәкеннің табанының табы қалған. Ардақтым асқақ атың, Өспенім -- махаббатым, Өспендікпіз Өспенде бағы жанған. «Мың шұңқыр» мың жылдағы қимасыңдай, «Ой қала» ойымдағы сыйласымдай. Нілдінің қойнауында сая бағың, Сұлудың сәндеп күткен бұйрасындай. Кіндігі Сарыарқаның жерімдегі, Түндігі Жаңаарқаның төріндегі. Көз алдымда көлбеңдеп есімді алған Керілген керім -- марал көрім бе едің.