@erlankabatai Каналға жазыламыз. 26.10.2021:18.30 -да «Ертіс концерт» үлкен залында «Ән Сал Дар» тобының «Сайра бұл бұл ...» атты жеке концерті өтті. Концерттік бағдарламада Ұлы ақын Абай Құнанбайұлының «Сегіз аяқ» әні, Мырзатай Жолдасбековтың «Тотықұс», Теміржан Базарбаевтың «Атың кім қалқа», Бауыржан Есебаевтың «Қазақстан» әндерімен қатар халық әндері «Шалабек», «Әпитөк» және француз әні «Серенада Смита», орыс әні «Тополя» орындалып, концерт Ибрагим Ескендірдің «Аманат» атты патриоттық әнімен аяқталды. Концерт тыңдарман қауымының көңілінен шығып, көрермендер әншілермен бірге қосылып ән шырқап, қошеметке бөледі. Ансамбль солистерінің жанды, жарқын дауыста орындауы, кәсіби аспапта орындауы, тақырыптық бейнеконтент барлығы залда ерекше атмосфераны тудырды. Іс - шарада барлық санитарлық ережелер сақталып, «ASHYQ» бағдарламасы арқылы өтті.
