Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
Түркістан облысының атқарушы билігі мен құзырлы орган басшылары Арыстағы ауыр жүк көліктерін өлшейтін құрылғыға қатысты туындаған даудың нүктесін әлі қоя алмай келеді. Біздің бағдарламада бір емес, екі рет көтерілген бұл мәселеге жауапты тұлғалар әлі нақты жауап бере алған жоқ. «Тексереміз» дегендеріне де екі айдан асты. Ал осы уақыт ішінде салынған айыппұлдар көбейіп, жүк көлік жүргізушілерінің күте-күте шыдамы таусылды. Сертификаты күмәнді бұл таразының жұмысын Түркістан облысы әкімінің орынбасары бастаған жауапты тұлғалар арнайы сынақ кезінде өз көздерімен көрген. Көрсе де, көрмегендей кейіп танытқаны түсініксіз. Өйткені мәселе сол күйі шешімін таппай отыр. Жазылған арыз-шағымдарға «бәрі заңды» деп жауап беретін құзырлы мекеме басшылары эксперимент кезінде неге үнсіз қалды? Неліктен өздері куә болған заңсыздыққа баға бермеді? Бұл даудың нүктесін кім қояды? Әділдік іздеп, мәселесін билікке жеткізгісі келген жүк көлік жүргізушілері енді кімнен көмек сұрауы керек? Бұл сұрақтардың жауабы алдағы уақыт еншісінде. Әзірге жаңа бөлімді тамашалап, Түркістан облысының атқамінерлері бұл жолы «мәселені қалай шешуге тырысқанын» бірге көрейік. Толық шығарылымды көріп, бөлісіңіз. Себебі бұл тек жүргізушілердің емес, заң үстемдігі мен азаматтық құқық үшін күрестің шынайы оқиғасы! 📢 Бізбен бірге әділдік іздеңіз — АЙГҮЛ ОРЫНБЕК LIVE арнасына жазылыңыз! 📲 Байланыс: +7 701 186 38 38 💬 Жоба ақылы. Демеуші көмегімен түсірілді. #АйгүлОрынбекLIVE #ЖүкКөлігі #ТаразыЖүйесі #ТүркістанОблысы #ӘділдікІздеймін #Жемқорлық #ЖолЗаңсыздығы
