#НартайАралбайұлы #NartayNews #НартайНьюс #nartaynews 🚨Халықты бизнесмендерге жығып бергенде доғару керек! 📌Біз әріптесім Елнұр Сабыржанұлы бастаған бірнеше депутат жаңа заң жобасын жазып шықтық! Қазақстандағы сақтандыру саласын бір жүйеге келтіріп, сақтандыру компанияларын халықтың мүддесіне жұмыс істеуге міндеттейміз! Заңды дайындап Үкіметтің қорытындысына жібергенбіз. Қазір Мәжіліске кірді, жұмысқа алдық! 📍Нақты қандай өзгерістер енгізгенімізді жазайын. ✔️Қазір: жол апатында адам көз жұмса 2 мың АЕК (+- 7 млн теңге) өтемақы төленеді. ✅Біздің ұсыныс: жол апатында адам көз жұмса сақтандыру компаниялары 4 мың АЕК (+- 15 млн теңге) өтемақы төлеуге міндеттеледі. ✅Жол апатынды мүгедек боп қалған ересек адам немесе бала үшін төлейтін өтемақыларды 2 есе көбейттік! 📍Енді жол апатының салдарынан адам (1 АЕК = 3932 теңге): І топ мүгедегі болса 3200 АЕК; ІІ топ мүгедегі болса 2400 АЕК; ІІІ топ мүгедегі болса 1000 АЕК; Бала мүгедек болып қалса 2000 АЕК - өтемақы төлеуге міндеттеледі сақтандыру компаниясы. ✔️Қазір жол апатында бұзылған автокөлікке сақтандыру компаниясы максимум 600 АЕК (2359200 теңге) өтемақы төлейді; ✅Енді біздің заңға енгізген өзгерісіміздің нәтижесінде сақтандыру компаниясы 1200 АЕК (4718400 теңге) өтемақы төлеуге міндеттеледі. ✅Мұның барлығы Үкіметпен мақұлданды, заң қабылданғанда жүзеге асады, созбаймыз! 📌Енді жұмыс тобына ұсынып күресетін нормаларымыз мыналар: ✔️Қазір жол апатында адам қаза тапса оның өтемақысы (біз ұсынған өзгеріспен +- 15 млн теңге) тек қана балаларына беріледі. Себебі олар тікелей асырауында. Ал балалары болмаса ақша сақтандыру компаниясында қалады. ✅Біз өтемақы алатын жақындарының тізімін көбейтпекпіз. Яғни, жол апатында адам қаза тапса оның өтемақысын баласы, әйелі/күйеуі немесе ата-анасы ала алады. Яки қаражат отбасына қалай да жетуі тиіс. ✅Тағы бір норма, жол апатында адам қаза тапса оған төленетін өтемақы бар екенін сақтандыру компаниялары отбасына дереу хабарлауға міндетті болады. Себебі қара жамылған отбасы ұмытып кетуі мүмкін. ✅Заңға тағы бір ұсынысымыз: жол апатының шығынын, көлікке төленетін өтемақыны бағалау үшін тәуелсіз бағалаушы (оценшик) тартылуы тиіс. Сонда ғана келтірілген шығынды ашық, мүдделер қақтығысынсыз бағалауға мүмкіндік болады. Интаграм:
https://instagram.com/nartay_aralbayu... Фейсбук: / nartai.sarsengaliyev
