Аралас мектеп дауы: №224 мектептің ата-аналары тағы да әкімдікке жиналды

#jasalash Алматыда жаңадан ашылғалған 224 мектептің дауы әлі басылар емес. Әуелде тек қазақ тілінде білім береді деп жоспарланған оқу ордасы соңғы сәтте аралас мектепке айналуы мүмкін екені белгілі болды. Бұл шешім қоғамда наразылық тудырды. Мектеп толықтай қазақ тілінде болсын деген ата-аналар осыдан бірнеше күн бұрын Алматы қаласы әкімдігіне жиналған. Алайда мәселе түпкілікті шешілмеген еді. 20 қазан күні ата-аналар мен белсенділер тағы да әкімдікке жиналып, аталған мектеп мәселесін талқылады.