Рамазан баршаңызға мүбарак болсын! Төсек қатынасынан кейін немесе хайыз-нифас тоқтағаннан соң т.б. ғұсыл бұзылған жағдайда ғұсылданып, шомылу - әрбір мұсылманға міндет. Бірақ, мұны ауыз бекітіп барып орындауға рұқсат. Яғни, ғұсылды ауыз бекітіп барып алсаңыз да болады. Оған оразаңызға келіп-кетер зияны жоқ. Әрине, видеода да айтылғандай, ғұсылы жоқ кісі, уақыт бар болса, алдымен шомылып, одан кейін сәресі ішкені құба-құп... Дәретте де дәл солай: Сәресіге тұрған мұсылман тек беті-қолын жуып қана қойып, сәресісін іше беруіне болады. Одан соң намаз уақыты таяғанда дәрет алып, намазын оқиды. Әрине, толықтай дәрет алып келіп асқа отырам десеңіз де өз еркіңіз. Қысқасы дәретсіз бекітілген ораза есептеледі. Ғұсылсыз бекітілген ораза есептеледі. Алла ұстаған оразаларыңызды қабыл етсін!