Владимир Степанов СӨ Ил Дарханын сүбэһитэ, “Улуу сырыылар суоллара” диэн Саха сирин аатын-суолун Арассыыйаҕа, аан дойдуга дорҕоонноохтук ааттатар соруктаах бырайыак ааптара уонна салайааччыта Георгий Дмитриевич Никоновтыын кэпсэтэр. Арассыыйа XVII-XVIII үйэлэргэ Хотугулуу Илин Азияны, Алясканы, Уһук Илини арыйыытыгар сахалар баар буоланнар, улахан кылааттарын киллэрбиттэрэ. Саха сирэ Арассыыйа састаабыгар киирбитэ 400 сылыгар өрөспүүбүлүкэбит, норуоппут судаарыстыбаҕа оҥорбут үтүөлэрэ дьоһуннаахтык ааттаныахтаахтар.
