Тілеймін бақытымды тек Алладан, Тыңдаңдар тілегімді мен арнаған. Әкемнің жатқан жері жұмақ болсын Бүгінгі қызығымды көре алмаған. ⠀ Анашым ақ батаңмен ұзап барам, Айтылсын өзіңе алғыс, хаққа тәубем. Өсиет өнегеңді жадымда ұстап Өзіңді жақсы ана деп мақтан тұтам. ⠀ Маңдайға жазыпты Жасаған жол Бақытқа кенелтсін босағам мол Туған үй, ауылым, ұшқан ұям Қонақ боп келгенше қош аман бол ⠀ Тілеген өмірдің ақ жолын бар, Сендерге жүректе мәңгі орын бар. Қыз деген жарт жұрттық демейді ме келгенше қонақ боп қош аман бол ⠀ Ұмтылар адамзаттың бәрі баққа, Ел отыр жігерімді жанымаққа. Көзімнің қарасындай жалғыз інім Олжасым, ие болғай шаңыраққа. ⠀ Қыз болып кеткеніммен осы арадан, Аттаймын келін болып босағадан. Өсірген өз қызындай нағашылар Жүріңдер күліп ойнап, есен аман.
