Ньурба улууһугар транспорт комплексын сайыннарыыга туһаайыллыбыт муниципальнай программа үлэлиир. Бу чэрчитинэн улуус биир бөдөҥ транспорт тэрилтэтэ автопарката саҥардыллар. Транспорт комплексын сайыннарыыга туһаайыллыбыт муниципальнай программа Улууска дивидиэнтэн киирэр үп суотугар үбүлэнэр. Былырыын улуус бүддьүөтүттэн 162 мөл солкуобай көрүллүбүтэ. Бу программа үлэлээн Ньурбатааҕы транспорт тэрилтэтэ автопарката кэнники икки сылга 70% саҥардылынна. Быйыл икки дьоҕус Газель автобустары ылыннылар, бу иннинэ ПАЗ Вектор саҥа автобустар кэлбиттэрэ. Газель Некст базатыгар оҥоьуллубут дьоҕус автобустар Ньурба куорат иһигэр сүүрэргэ бэрт табыгастааҕын суоппардар бэлиэтииллэр. Маны ааһан гөрүүчэй чааһыгар лаппа кыраны сиир буолан бэрт барыыстаах эбит. Кэнникинэн техникалаах дьон элбээн автобус өҥөтүнэн туһанааччы ахсаана биллэ аҕыйаан турар, онон дьоҕус автобус бары өттүнэн табыгастаах буолбут. Транспорт комплексын сайыннарыыга туһаайыллыбыт муниципальнай программаНьурба улууһугар 2024 сылга диэри үлэлиэ. Быйыл барыллаан былаан быһыытынан 108 мөл солкуобай көрүллүөхтээх, чопчулааһын кэннэ бу сумма өссө улаатыа. Онон өр сылларга үп өттүгэр иэстэн иэскэ олорбут Ньурбатааҕы транспорт тэрилтэтэ саҥалыы тыыннаах сайдыы суолугар лаппа үктэннэ. Автобус парката саҥардыллан Ньурба иһигэр эбии саҥа маршруттар баар буолуохтара. #трснюрба
