АСП-ға өтінішті тапсыруда құжаттар тапсыру міндетті емес!

АСП-ға өтініш тапсырған кезде заңда көзделген құжаттардан басқа қағаздарды жинатуға және скоросшиватель, дело, файл дегендерді алдыруға құқықтары жоқ. АСП-ға өтініш тек жеке куәлік негізінде тапсырылады. Егер, осындай оқиғалар болса құқық қорғау органдарына арз жазып, өздеріңіздің құқықтарыңызды қорғауға болады! 👉Заңдар: ✅ ҚР «Мемлекеттік атаулы әлеуметтік көмек туралы» заңының (бұдан әрі – Заң) 3-бабының 1-тармағына адам (бұдан әрі – өтініш беруші) өзінің атынан немесе отбасының атынан атаулы әлеуметтік көмек көрсетілуі үшін тұрғылықты жері бойынша – халықты жұмыспен қамту орталығына, ал ауылдық жерлерде кент, ауыл, ауылдық округ әкіміне белгіленген үлгідегі өтінішпен және сәйкестендіру үшін жеке басын куәландыратын құжатпен жүгінеді. ➡️ Орталық атқарушы орган айқындайтын тізбеге сәйкес қажетті құжаттарды жинауды тұрғылықты жері бойынша – жұмыспен қамту орталығы, ауылдық жерлерде кент, ауыл, ауылдық округ әкімі мемлекеттік органдардың және (немесе) ұйымдардың ақпараттық жүйелері арқылы жүзеге асырады. Атаулы әлеуметтік көмекті тағайындау мемлекеттік органдардың және (немесе) ұйымдардың ақпараттық жүйелерінен алынатын құжаттардың электрондық көшірмелері негізінде жүзеге асырылады. Мемлекеттік органдардың және (немесе) ұйымдардың ақпараттық жүйелерінде құжаттардың электрондық көшірмелері болмаған жағдайда, өтініш беруші мемлекеттік органдардың және (немесе) ұйымдардың тиісті ақпараттық жүйелерінде жоқ мәліметтерді растайтын құжаттарды ұсынады, ал өтініш берушіде мұндай мүмкіндік болмаған кезде тұрғылықты жері бойынша халықты жұмыспен қамту орталығы, ауылдық жерде – әкім тиісті мемлекеттік органға және (немесе) ұйымға жазбаша сұрау салуды ресімдейді. Демек, АСП-ға өтініш тек жеке куәлік негізінде тапсырылады. Қалған ақпаратты өкілетті орган өзі жинайды. Өтініш беруші тек мемлекеттік органдардың және (немесе) ұйымдардың тиісті ақпараттық жүйелерінде жоқ мәліметтерді растайтын құжаттарды ұсынады деп көрсеткен. Ал, Сіздің мұндай құжаттарды ұсынуға мүмкіндігіңіз болмаса халықты жұмыспен қамту орталығы, ауылдық жерде – әкім тиісті мемлекеттік органға және (немесе) ұйымға жазбаша сұрау салуды өзідері жасайды. Құқықтарымызды біліп жүрейік!