VIDEO
Горнай улууһун Солоҕоно оройуон кииниттэн 80 килэмиэтир арҕаа сытар кытыы нэһилиэк. Уус тыллаах олоҥхоһуттар, суруйааччылар, үлэһит үтүөтэ дьон уутуйан үөскээбит сиригэр 500 кэриҥэ киһи түөлбэлээн олорор. Былырыын саҥа арыы сыаҕа арыллыбыта, онтон быйыл кэлии боруода сүөһүнү бастакытын кыстатан эрэллэр. Онон олохтоох бородууксуйаны оҥорон таһаарыы балачча кэҥиирэ күүтүллэр. 2025 сыл Солоҕоҥҥо Өбүгэ ситимин сыла. Ол чэрчитинэн, сут-кураан сылларга дьон үрүҥ тыынын өрүһүйбүт төрүт көрүҥү – муҥханы сөргүтүү салҕанар. Айршир боруода Солоҕоҥҥо олохсуйуутун, оскуола, түмэл олоҕун, нэһилиэк дьаралыгын, өрөгөй ырыатын туһунан итиэннэ олохтоох дьаһалта ыытар былааннаах үлэтин, туох кыһалҕа баарын сиһилии Улус.Медиа биэриитигэр көр.
