VIDEO
Монгол Арт Галерей, Улаанбаатар хотын музей хамтран бүтээв. Продюсер: Гэрэлийн Очбаяр, Цэдэнпилийн Оюун-Эрдэнэ Найруулагч: Энэбишийн Ган-Очир 2025 он. БОГДЫН ХҮРЭЭ ХОТЫГ ДҮРСЭЛСЭН МОНГОЛ ЗУРАГ (XVIII-XX ЗУУНЫ ЭХЭН ҮЕ) Тусгай үзэсгэлэн. Нийслэл хүрээний 113 жилийн ойг тохиолдуулан “Богдын хүрээ хотыг дүрсэлсэн монгол зураг (XVIII-XX зууны эхэн үе)” сэдэвт тусгай үзэсгэлэн 2-р сарын 7-ны өдөр нээж буйн учир нь, одоогоос 113 жилийн өмнө, өвлийн тэргүүн сарын 20-ны өдөр буюу аргын тооллын 2-р сарын 7-ны өдөр Богд хааны зарлигаар Их хүрээг НИЙСЛЭЛ ХҮРЭЭ хэмээн нэрлэж, Монгол Улсын нийслэл хотоор өргөмжилсөн юм. Үзэсгэлэн: 1) Богдын хүрээ хотыг дүрсэлсэн монгол зураг 2) Богдын хүрээ хотыг харуулсан гэрэл зураг 3) Видео танхимд үзүүлэх баримтат нэвтрүүлэг гэсэн гурван хэсэгтэй. Үзэсгэлэнгийн ерөнхий зохион байгуулагчаар Нийслэлийн Соёл, урлагийн газар, Улаанбаатар Хотын Музей / Ulaanbaatar City Museum, Mongol Art Gallery ажиллаж байгаа бөгөөд Bogd Khaan Palace Museum, The Fine Arts Zanabazar Museum Улаанбаатар Хотын Музей / Ulaanbaatar City Museum, Mongol Art Gallery Архивын ерөнхий газар Монгол Улсын Үндэсний номын сан /National Library of Mongolia/, Museum der Kulturen Basel - Швейцар Улсын Базел хотын Соёлын музей зэрэг гадна, дотны музей, архивын сан хөмрөг, хувийн цуглуулагчдад хадгалагдаж буй Богдын хүрээ хотыг харуулсан нийт 30 шахам монгол зургийн бүтээлийг анх удаа нэгдсэн байдлаар дэлгэн үзүүлж буйгаараа онцлогтой. ХVIII-ХХ зууны эхэн үед холбогдох Богдын хүрээний бүтэц, зохион байгуулалт, түүхэн үйл явдал, баяр наадам, төрийн ёслолыг дүрсэлсэн энэхүү бүтээлүүдээр дамжуулан Богдын хүрээ ямар хот байсан, монгол зурагт хэрхэн дүрслэгдсэн, эдгээр бүтээлүүд ямар үнэ цэнтэй зэргийг олон нийтэд сурталчлан таниулах зорилготой юм. Тус үзэсгэлэнгийн үеэр онцлох бүтээл: 1870-аад оны үед Богдын ордны зураачийн зурсан “Их хүрээ хот” хэмээх шинээр олдсон монгол зургийг анх удаа эх хувиар олон нийтэд 7 хоногийн хугацаатай дэлгэн үзүүлэх ба Их хүрээ баялаг өгүүлэмжтэй, дахин давтагдашгүй монгол зургийг шинээр амилуулсан хуулбар зургийн нээлтийн ёслолын ажиллагаа болно. Уг шинэ хуулбар зургийг Монгол Арт галерейн зураач, МУЭ-ийн гишүүн Ц.Оюун-Эрдэнэ дөрвөн жилийн хугацаанд бүтээж, мөн сүүлийн гурван жил Улаанбаатар хотын музейн эрдэм шинжилгээний ажилтан Г.Очбаярын хамт түүх, зураг урлалын судалгааг хийж байна. #mongolartgallery #specialexhibition
