ТҮРКІСТАН ОБЛЫСЫНЫҢ ПОЛИЦЕЙЛЕРІ ҚАРАҚШЫЛЫҚ ШАБУЫЛ ЖАСАУМЕН АЙНАЛЫСҚАН ҚЫЛМЫСТЫҚ ТОПТАРДЫ ҰСТАДЫ

Түркістан облысының полицейлері қарақшылық шабуыл жасаумен айналысқан қылмыстық топтарды ұстады.Түркістан облысы ІІД Криминалдық полиция басқармасының қызметкерлерінің жедел іс-шараларын жүргізу барысында жергілікті жердің тұрғындары ұсталды. Жас азаматтардың ағымдағы жылдың шілде мен қазан айы аралығында облыс аумағында бірнеше қарақшылық шабуылдар жасағаны, сондай-ақ ұрлықпен айналысқаны анықталды.Атап өтсек, Полицейлер беттеріне бетперде киген белгісіз азаматтардың жатақханаға кіріп, жәбірленушіні қарумен қорқытып, оның бағалы заттары мен 90 мың теңге көлемінде ақшасын алып кеткенін анықтаған. Сондай-ақ, қыркүйек айында Қазығұрт ауданында қылмыстық топтың бір қатысушысы сыбайласымен түнгі уақытта ауыл тұрғынынан жарты миллион теңге тұратын жылқысын ұрлап кеткен. Қазан айының басында осы топ Сарыағаш ауданындағы жанар-жағар май бекетіне қарақшылық шабуыл жасаған. Беттеріне бетперде киген белгісіз азаматтар ауаға оқ атып, кассадан 700 000 теңге көлемінде алып кеткен. Аталған жайттар бойынша Түркістан облысы ІІД тергеушілерімен сотқа дейінгі терегу амалдары жүргізілуде. Күдіктілердің барлығы уақытша ұстау абақтысында. Полицейлер ұсталғандардың басқа да ауыр қылмыстарға қатыстылығын анықтауда.