Компьютерлік желі

Сәлем достар. Микрофонда ЕСЕНБЕКОВ КУРБАНАЛЫ. Бүгінгі видеода #8сыныпинформатика кездесетін #компьютерлікжелі тақырыбын Алматы баспасы, АрманПВ баспасы және Атамұра баспасындағы есептерді шешетін боламыз. Хаб – желілік құрылғыларды сегменттерге біріктіруге арналған желілік құрылғы. Оның жұмысының негізгі принципі оның порттарының біріне келген пакеттерді барлық басқа порттарға тарату болып табылады. Осылайша, желіге келген пакет желідегі барлық басқа құрылғыларға жіберіледі. Желілік коммутатор - бірнеше сегменттерді қосуға арналған пакеттік желілерде қолданылатын құрылғы. Switch тек пакеттегі ақпарат негізінде деректерді бір порттан екіншісіне тасымалдайды. Әдетте, деректер жіберілетін құрылғының MAC мекенжайы шығыс портын таңдау белгісі ретінде пайдаланылады. Маршрутизатор - сымсыз желіге қосылу құрылғысы интернетке жалғануға әрі кабель жоқ ортада желіде жұмыс істеуге мүмкіндік береді. ADSL – әлемдегі ең көп тараған, интернетке қосылуға арналған құрылғы. ADSL аббревиатурасы ағылшынша «Asymmetric Digital Subscriber Line» – «Ассиметриялық цифрлық абоненттік желі» деген мағынаны білдіреді. Q – ақпарат көлемі (V) q – арнаның өткізу жылдамдығынының қасиеті t – тасымалдау уақыты Желінің өткізу қабілетін есептеуде қолданылатын формулалар: 1. Q=q*t 2. q = Q/t 3. t = Q/q 20 Кбит/с жылдамдықпен 5 секунд ішінде қандай ақпарат көлемін тасымалдауға болады? Өлшемі 525 Кбайт файлды 33 600 бит/с жылдамдықпен қанша уақыт ішінде тасымалдауға болады? Өлшемі 1687,5 Кбайт файл 4 минутта тасымалданды. Желінің тасымалдау жылдамдығын анықта. 1. Деректерді ADSL қосылысы арқылы тасымалдау жылдамдығы 256 000 бит/с. Осы қосылыс арқылы файлды тасымалдауға 16 секунд уақыт керек. Файлдың көлемін Кбайтта анықта. 2. Деректерді тасымалдау құрылғысының жылдамдығы 56 000 бит/с. Көлемі 210 000 байт файлды қанша уақытта жібереді? 3. Деректерді ADSL қосылысы арқылы тасымалдау жылдамдығы 2 621 440 бит/с. Осы қосылыс арқылы 10 Мбайт файлды тасымалдауға кететін уақытты секундпен есептеп тап. 4. Деректерді ADSL қосылысы арқылы тасымалдау жылдамдығы 5 242 880 бит/с. Осы қосылғыш арқылы өлшемі 1 Гбайт файлды тасымалдауға кететін уақытты минутпен есептеп тап. 5. Деректерді ADSL қосылысы арқылы тасымалдау жылдамдығы 128 000 бит/с. Осы қосылғыш арқылы 7 минутта тасымалданатын файлдың көлемін тап. 6. 14 400 бит/с жылдамдығы бар модем 225 Кбайт көлемдегі ақпаратты қанша уақытта тасымалдайды? 7. Деректерді ADSL қосылысы арқылы тасымалдау жылдамдығы 16 800 бит/с. 64 символдық алфавит көмегімен жазылған хабар 20 480 символдан тұрады. Осы ақпаратты желі арқылы тасымалдауға қанша уақыт қажет? 1. Компьютерде кітаптың 128 беті терілді, әр бетте 32 қатар, әр қатарда 64 символ бар. Компьютерде 256 символдық алфавит қолданылады. Осы кітаптағы ақпарат көлемін 2 минут 8 секундта тасымалдаған тасымалдаушы құрылғының жылдамдығын анықта. 2. Жылдамдығы 28 800 бит/с модем өлшемі 640•480 пикселден тұратын түрлі түсті растрлық бейнені (түстің әр пикселі 3 байтпен кодталады) қанша уақытта тасымалдайды?