Кэм-кэрдии / Эргис – саха омук кэрэ-бэлиэ төрүт сирэ // 22.07.2022

Эргис историятыттан быһа тардан биһиэхэ кэпсииллэр саха народнай суруйааччыта Павел Харитонов-Ойуку уонна Афанасий Владимиров, государственнай, общественнай деятель, 2007-2010 сылларга Хаҥалас улууһун баһылыга. Арҕаа-Хаҥалас улууһун Эргис нэһилиэгинэн биллибит, билиҥҥинэн сайылык сирин дьиэлэрэ-уоттара Өлүөнэ Эбэ киэҥ иэнин өҥөйө тураллар. Бу сир мээнэҕэ Эргис диэн аатынан сүрэхтэммэтэҕэ, номоххо киирбит Улуу Ойуун Эргис аҕа ууһун сирэ-уота. Эргис Ойуун саҕаттан, саха омук кэрэ-бэлиэ төрүт сириттэн иитиллэн дьон-сэргэ ытыктыыр, билинэр, киэн туттар дьоно тахсыбыттара: Александр Гермогенов – Табысхан кулуба, Константин Неустроев – Урсик, Георгий Устинович Эргис онтон да атыттар. «Илин» сурунаал куйаар ситимигэр биэриилэригэр суруттарыҥ, көрүҥ-истиҥ, санааҕытын үллэстиҥ:    / @ilinvostok