23-сабақ. Өзен ағысы. Өзен ағысына байланысты есептер.

Қайық, катер, теплоход, параход көлде немесе өзенде жүзеді. Мысалы, көл ағынсыз су болғандықтан, қайық көлде жүзгенде өзінің меншікті жылдамдығымен жүзеді. Сал өзенде жүзгенде ағыс жылдамдығына тең жылдамдықпен жүзеді. Егер дене ағыспен жүзсе, оның жылдамдығы ағыс жылдамдығына артады. Дененің ағыспен жылдамдығы оның меншікті жылдамдығы мен ағыс жылдамдығының қосындысына тең. Дененің ағысқа қарсы жылдамдығы оның меншікті жылдамдығы мен ағыс жылдамдығының айырмасына тең. Ағыс жылдамдығы ағыспен жылдамдық пен ағысқа қарсы жылдамдықтың айырмасының жартысына тең. Меншікті жылдамдық ағыспен жылдамдық пен ағысқа қарсы жылдамдықтың қосындысының жартысына тең.