29 сентября 2023 г.

ЖАРАСПАЙДЫҢ ЖАН АЙҚАЙЫН ЕСТІР БИЛІК БАР МА ЕКЕН?.. немесе ТОҚАЕВТЫҢ "ЖАҢА ҚАЗАҚСТАН" "идеясының" ЖАРЫЛҚАЙТЫН ТҮРІ ЖОҚ! 125-тей ғана үйі бар Жараспай ауылын ауыз сумен қамтамасыз етуге "Нұрлы жер" мемлекеттік бағдарламасы аясында 2021 жылы 376 миллион теңге қаражат бөлініп, биыл ғана, яғни, 2023 жылғы мамыр айынан бастап кірісіп, ала жаздай мардымсыз жұмыс жүргізіп, су желісін шарбақтың шетіне дейін ғана тартып, Қазақстанның ұшан-теңіз байлығын басқарып отырған Тоқаев билігі халықты жарылқағандай қылып көрінбек. Ал шарбақтың шетінен үйіне дейін тұрғындар өз қаражатына тарту керек екен... Сонда мұның неменесі мемлекеттік бағдарлама? "Нұрлы жер" деген атауы қандай дардай еді..!? Назарбаевтың тұсында, 2006-2007-ші жылдары біздің ауылдың ауыз суына бөлінген 131 миллион теңге қаражаттың аса көп бөлігі жемқорлардың жемсауына түсіп кетсе керек, мемлекеттік бағдарлама толық іске аспай, өтірік есеппен жабылған. Ендігісі мынау... Назарбаевтың құрған, Тоқаевтың жалғастырып жатқан жүйесі ауыспай, ауыз су жүйесі де жөнге келмейтін шығар..?! Қарағанды облысы, Нұра ауданы, Жараспай ауылы. 28.09.2023 12:09