Алматыда жол ережесін бұзатын самокат пен мопед жүргізушілері көбейген. Самокат пен скутер тізгіндеген жеткіншектердің қатысуымен болған жол көлік оқиғаларының да саны артып, жыл басынан бері 23 бала жарақат алған екен. Аталмыш қозғалыс құралдарын басқарғандар қандай ережені жиі бұзады? Оларға қандай тыйымдар бар? Алматы жолдарында самокаттар мен мопед мінгендердің жолда жүруі назарға алынды. Қалалық полиция департаментіннің дерегіне сай, бір күнде жол ережесін бұзған 40-тан астам дерек анықталған. Жол ережесін бұзғандармен түсіндірме жұмыстары жүргізілді. Полицейлердің айтуынша, көбі ережені білмейді. ИСЛАМ МАЙКУТОВ, патрульдік полицияның аға инспекторы: — Велосипед пен самокат тізгіндегендер веложолақпен жүруі керек. Егер арнайы жол болмаса, көлік жолының оң жақ жиегімен жүргені ережеге сай. Алайда олар жаяу жүргіншілер жолағынан өткенде самокатынан түсіп, жаяу өтуі тиіс. Алматыда жыл басынан бері электросамокаттар мен мопедтердің қатысуымен 77 жол көлік оқиғасы болған. Соның салдарынан 81 адам жарақат алып, бір өлім жағдайы тіркелген. Қалалық полиция департаменті мәліметіне сүйенсек, балалардың қатысуымен болған апат саны 21, онда 23 балаға зиян келген. ИСЛАМ МАЙКУТОВ, патрульдік полицияның аға инспекторы: — Самокат, мопед, велосипед жүргізгендерге бір қолмен болсын басқаруға тыйым салынады. Адам тасымалдауға, ені қозғалыс құралынан 50 см-ден асатын жүк тасуға болмайды. Полицейлердің айтуынша, жол жүру ережесін бұзғандар айыппұлдан сескенбейді. Себебі көбі мопедті жалға алатындар, самокатқа тіпті жүргізуші куәлігі қажет емес. Ал жол жүру ережесіне сәйкес, мопедті 16 жасқа толғандар ғана басқара алады. . . . . Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар
