"Энхэ тайбан Буряадни" гэһэн теледамжуулга хүтэлэгшэ Жанна Дымчикова микробиолог Баяр Намсараевтай Эхэ орон, тоонто нютаг тухай хөөрэлдэнэ. Агын Һүдэнтэ нютаг тоонтотой Баяр Бадма-Базарович Намсараев Москва хотодо олон жэл ажаһууһан эрдэмтэн. Ниислэл хотодо үндыһэн үхибүүдынь буряад хэлэтэй, мүнөө Буряад ороноо суурхуулжа, хари гүрэнүүдтэ харюусалгатай ажал хэдэг. Буряад нютагуудай аршаан, уһа голнуудые шэнжэлдэг эрдэмтэн Байгал далай тухай һонин юумэнүүдые хөөрэнэ. ”Буряад-Монгол оромнай” гэһэн дуу Аюр Улзытуев, Намжил Найданов хоёр дуулана (студи соо). Дамжуулгын хоёрдохи айлшан - Буряад арадай поэт Галина Раднаева. Галина Жигмитовна эхэ нютаг тухай хөөрэһөөр, өөрынгөө гайхамшагта намтартай танилсуулна. Х. Намсараевай нэрэмжэтэ Буряад драмын театрай зүжэгшэн Дарима Гылыкова ирагуу найрагша Галина Раднаевагай шүлэгүүдые уншана. Уянгын хуудаһан боложо, Аюна Базаргуруевагай “Бодол” болон “Хамаг монгол” түсэлэй клипууд харагшадай һонирхолдо табигдана. SOYOL.RU culture project Все о культуре и искусстве Бурятии Discover Buryatia! ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
/ soyol.ru
http://vk.com/club67294287 / soyolru / soyolru / soyol / soyolru
