ЕЛ ІШІ ТҰНҒАН ҚАЗЫНА!!! Халық әні болып кеткен ғажайып туындының түпнұсқасын орындаған бұл ағамыз шырайлы Шығыстан, Зайсан өңірінен Сүлейменов Тақат деген ақын, әнші-композитор болып шықты. Жан-жаққа сұрау салып тапқан бейтаныс көкемізге Алла ұзақ ғұмыр сыйласын!!! Әттең, қолдың келтесі-ай... Зәулім-зәулім ағаштың, Аты—қайың, еркесі-ай! Ақ жүзіңді көруге, Асығайын, еркесі-ай! Сен емес пе ең маған теңдес? Сен көнгенмен, әкең көнбес, Әттең, қолдың келтесі-ай, Қосылса ғой, еркесі-ай! Ақ боз үйдің түңлігін, Ерте ашсаң ғой, еркесі-ай! Балалықпен, бал күнмен, Қоштассаң ғой, еркесі-ай! От жағар ең, шай қайнатып, Әлдилер ең бала ойнатып, Қосылса ғой, еркесі-ай, Әттең, қолдың келтесі-ай! Сөйте-сөйте ақша бет, Әжім басар, еркесі-ай! Ақша беттен нұр тайып, Назың қашар, еркесі-ай! Дегеніңе көнген өзім, Бейнетіңе төзген өзім, Қосылайық, еркесі-ай, Әттең, қолдың келтесі-ай! Дегеніңе көнген де мен, Бейнетіңе төзген де мен, Қосылайық, еркесі-ай, Әттең, қолдың келтесі-ай, Әттең, қолдың келтесі-ай! Мәлімет пен видео айтыскен ақын Бауыржан Халиолланың парақшасынан алынды.
