Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
Мен қалай IELTS-тен 7,5 балл жинадым? Сәлем, достар! Бүгін мен сіздермен ағылшын тілін меңгеру деңгейін анықтауға арналған IELTS емтиханына қалай дайындалғаным туралы ақпаратпен бөліскім келеді. Мен бұл емтиханды 2018 жылдың тамыз айында тапсырдым және барлығын қосқанда 7,5 балл жинадым. Атап айтқанда ридингтен 8,5, лиссенингтен 8,0, спикингтен 7,0 және райтингтен 6,0 балл жинадым. Райтингтен жинаған балым аз болып қалды, бірақ жалпы мен өзім ойлаған нәтижеге қол жеткіздім деп айта аламын. Маған бұл емтиханды тапсыру неге қажет болды? Ең алдымен мен өзімнің тілді меңгеру деңгейімді тексергім келді. Осы тесттен жақсы нәтиже көрсетсем болашақта конкурстарға, стажировкаларға қатысуда жақсы мүмкіндіктерім болатын түсіндім. Және де ағылшын тілінің мұғалімі болып жұмысқа орналасқым келді, себебі менің педагогикалық білімім жоқ болатын, мен медицина университетінде білім аламын. Соңында шынымен де мен тіл үйрету курсына жұмысқа тұрдым, ересектер мен балаларға сабақ бердім. Келесі видеоларда сіздермен әр секциядағы тапсырмаларды орындау жолдарын талқылайтын боламын.
