«Qazaq» деректі фильмінің бас кейіпкері Сүлеймен Шадкам өз өмірінен сыр шертті

🔰 Сүлеймен Шадқам – Еуропадағы қазақ қауымдастығының негізін қалаушы. Нәубет жылдары оның ата-анасы Маңғыстаудан Иранға жер ауып, кейін Германияға көшкен. Жат елде жарық көрсе де қандасымыздың туған жерге, ана тілге деген махаббаты, құрметі, сүйіспеншілігі ерекше. Еуропада қазақ қауымдастығының негізін қалап, ұлттық болмысты сақтау, әсіресе, шет елде дүниеге келген жас буынның санасына төл құндылықтарды сіңіру бағытында Германиядағы қазақтармен жиі басқосулар өткізіп тұрады. ✅ Жуырда отандық киноөнер «Qazaq» деректі фильмімен толыққанын жариялаған едік. Сүлеймен Шадқам – аталмыш туындының басты кейіпкері. Сыр өңіріндегі іс-сапары аясында «Анаға тағзым» орталығының тыныс-тіршілігімен арнайы танысып, өз өмірінен сыр шертті. Қиындықтарды еңсеруі, өзге елде Түркия қазағымен танысып, бас қосуы, Германияда туып өскен баласының Қазақстанда білім алуына ықпал етуі, қазақ қызын келін етіп, Сыр өңірімен құдалы болғаны және деректі фильмнің түсірілім барысы секілді отбасындағы һәм қызметтегі оқиғаларымен бөлісті. #QazaqФильмі #ҰлттықКод #ЕлгеСағыныш #СүлейменШадқам