ЗАСГИЙН ГАЗАР ХООРОНДЫН ТЭТГЭВРИЙН АСУУДЛААР

Өнөөдрийн чуулганаар Монгол Улсын Засгийн газар, Бүгд Найрамдах Казахстан Улсын Засгийн газар хоорондын Тэтгэврийн асуудлаар хамтран ажиллах тухай хэлэлцээрийг соёрхон батлалаа. Гадаад улсад төлсөн НДШ-ээ эх орондоо ирээд тооцуулдаг болох улс хоорондын хэлэлцээрийг Казахстанаас эхэлж цаашлаад монголчууд олноор ажиллаж амьдардаг улсуудтай хийх нь зүйтэй юм. Ажлын хэсгээс дараах асуултыг асуулаа. Казахстан улстай соёрхон батлагдах энэ гэрээтэй ижил төрлийн цаашлаад хэдэн улстай гэрээ хэлэлцээр хийхээр байна вэ? Монгол Улсын иргэдийн НДШ-ийг шимтгэл төлсөн хугацааг нэгтгэн тооцуулах судалгаа байгаа юу?