“Ұлағатты ұстазға құрмет!”

Жезқазған қаласының орталықтандырылған кітапханасында 3 қазан-Ұстаздар мерекесіне орай, “Ұлағатты ұстазға құрмет!” атты кездесу кеші ұйымдастырылды. Кеш қонағы Қазақстан Республикасы Оқу-ағарту министрлігі “Еңбек ардагері” медалінің иегері, Қаныш Сәтбаев атындағы №7 мектеп-лицейінің бастауыш сынып мұғалімі,ардақты да аяулы ұстаз- Кусаинова Кульжахан Каблановна! Ұстаздың құрметіне көп жыл еткен еңбектерінің нәтижесі: құрмет грамоталары, төсбелгілері мен алғыс хаттарымен көрме ұйымдастырылып, іс-шараға Қ.И.Сәтбаев атындағы №7 мектеп-лицейінің оқушылары мен кітапхана қызметкерлері қатысты. Оқушылар тарапынан ұстазға сұрақтар қойылып, жауап алынды. Кеш барысында ұстазға құрмет көрсетіліп, кітапхана қызметкерлері әсем ән шырқап, би билеп, “Жас толқын” поэзия клубының мүшелері ұстазға өлең оқыды. Кеш соңында Жезқазған қалалық орталықтандырылған кітапханасының басшысы Махмутова Анар Жамантайқызы ұстазды құттықтап, гүл шоқтары мен алғыс хатпен марапаттады.