VIDEO
Бид бүхний амьдралд аз жаргалтай өөртөө итгэлтэй нээх сайхан сэтгэл тэнийсэн хором мөч тоолж барашгүй их байдаг билээ. Гэхдээ уйтгар гуниггүйгээр аз жаргалтай үеийнхээ үнэ цэнийг тийм ч сайн мэдэрдэггүй байх. Хааяа зүгээр л ирээдүйд юу хийхээ мэдэхгүй стрэссдэх итгэж байсан хүн итгэлийг чинь алдах эсвэл зүгээр л цаг агаарын байдал зэрэг олон зүйлээс болж уйтгар гунигт автагдах үе хүн бүрт байдаг Харин үүнийгээ хэрхэн даван туулах нь бидний хувийн хөгжилд нөлөө үзүүлдэг юм болов уу гэж боддог. Энэ бичлэгэн дээрээ өөрийнхөө хэрхэн хэцүү зүйлсийг даван туулж өөрийгөө шинээр олж нээдэг талаараа хуваалцахыг хүсэж байна 1. Нөхцөл байдлыг хүлээн зөвшөөрөх Хамгийн түрүүнд нөхцөл байдлыг хүлээн зөвшөөрөх Хааяа гунигт автсан үедээ аз жаргалтай болох гэж тэгж их яарах шаардлагагүй байдаг. Харин эсрэгээрээ өөрийнхөө байгаа байдлыг тэвчээртэйгээр даван туулсан хүн эцэст нь маш хүчирхэг болж, өөрийгөө олж нээдэг юм шиг санагддаг. Бүх юм зүгээр биш байхад зүгээр болно гэдэг үгсийг сонсох ядаргаатай эсвэл боломжгүй санагддаг. Тэрүүхэн үедээ том санагдаж байгаа ч түр зуурынх гэдгийг бас ойлгох хэрэгтэй. Сонин сонсогдож магадгүй ч, гунигт автсан үеээсээ хүртэл аз жаргалыг мэдрэх боломжтой гэж боддог. Энийг даван туулвал ямар их юм сурч ойлгох болдоо гэж бодож ч тэвчээртэй хандсан үе их байдаг. За тэгээд хүлээн зөвшөөрөх нь чухал ч гэсэн бэрхшээлтэйгээ нүүр тулж, амьдралынхаа хэв маягт өөрчлөлт оруулах хэрэгтэй байдаг. 2. Нүүр тулах Асуудлаасаа зугтахгүйгээр нүүр тулах хэрэгтэй. Уйлмаар санагдсан үедээ уйл, инээж чадах үедээ чин сэтгэлээсээ инээ. Өөрийнхөө мэдэрч байгаа бүгдийг нь мэдэр. Мэдээж ганцаардах үе хүн бүрт байдаг. Гэхдээ миний хувьд ганцаараа байх мөчдөө дурлаж, үнэлж бас тэр завшааныг ашиглах хэрэг саяхан гарсан юм л даа. Ганцаардах тийм ч муу зүйл биш юм шиг санагддаг. Харин ч ганцаараа байж сурсанаараа бие дааж, олон юм сурсан байдаг. Өөрөөрөө дүүрэн хүнээс хэн ч юуг нь ч авч чадахгүй. Миний хувьд бол өөрийгөө хайрлах нь хамгийн чухал нь байсан. 3. Өөрийгөө хайрлах Өөрчлөлтийг эхлээд өөрөөсөө хайх хэрэгтэй гэж боддог. Эргэн тойрноо сайн ажиж харвал аз жаргалыг мэдрэх янз бүрийн боломжоор бялхсан байдаг. Хамгийн энгийн зүйлд талархаж сурах нь чухал. Нар, байгаль, далай, өнгө, гэр бүл, найз нөхөд, ганцаараа гадуур тэнэж хүссэн юмаа идэх гээд л. Өөрсдийнхөө завгүй амьдралын хэв маягнаас болоод иймэрхүү жижиг зүйлсийг мартаж эхэлдэг. Өөрийгөө юугаар бас ямар хүмүүсээр хүрээлүүлж байгаадаа анхаарах хэрэгтэй юм шиг санагддаг. 4. Би өөртөө маш хайртай. Дасгал хөдөлгөөн хийхээр хүний биенээс ендорфин гээд химийн бодис гадагшилдаг. Ендорфин нь хүний бие сэтгэлд эерэг мэдрэмжийг өгч, хөдөлгөөнтэй байхаар стрессдэхээ больдог учраас би чадах үедээ дасгал хөдөлгөөн хийдэг. Бас зөв хөөл хүнс сонгож эрүүл мэнддээ анхаарахыг хичээдэг. Байнга буруу хооллохоор бие маань ч нэг л эрч хүчгүй, би өөрөө ч залхуу болоод байдаг. Зөв юм бодож, эерэг байх нь бас чухал гэж боддог. Хөгжим, урлаг, кино, түүх соёл, ном, шинэ мэдээллээр тархиа цэнэглэж, тэжээхийг хичээдэг. Хамгийн гол нь өөртөөгөө сайн ярилцаж ойлгох хэрэгтэй байдаг. Хүссэн юмаа идэхийг хүсвэл өөртөө зөвшөөрч, юу ч хийхгүй хэвтмээр байгаа үе болгоноо ойлгож өөрийнхөө хамгийн сайн найз байхыг хичээдэг. Өөрийнхөө хүсэл, мөрөөдөл, зорилго бүгдийг нь өөртэйгөө ойрхон байлга. Эцэст нь амьдрал хэтэрхий богино учраас гунигт хэт автаж болохгүй шүү. Тэгээд л нэг мэдэхэд нөгөө аз жаргалтай үе дээрээ буцаад оччихдог шүү дээ. Өөрийгөө хайрлаарай. 2025 онд бичиж буй миний сэтгэгдэл: арай л хурдан хурдан уншаад ярьчихжээ кк хөөрхөн юм бэ дээ наасан // follow me on instagram // instagram ➭ aminerdn ( / aminerdn ) Жич: Энэхүү бичлэг нь зар сурталчилгаа агуулаагүй бөгөөд дурдсан бүх бүтээгдэхүүнийг өөрийн хүсэл, мөнгөөр худалдан авч хэрэглэж байгаа.
