Қазақстанда ұшаққа алып кіруге тыйым салынған заттардың жаңа тізімі көпшіліктің ашуын туғызды. Бұдан былай сыйымдылығы 100 миллилитрден асатын құтыдағы косметикалық құралдарды, яғни жақпа майларды, тіс пастасын, тіпті ерін жұмсартатын далап пен кірпік бояғышты да қол сөмкеге салып, ұшаққа кіруге болмайды деген жаңа ереже әсіресе әйелдер қауымының көңілінен шыға қоймаған. Өйткені жеке гигиенасыз жолға шығу мүмкін емес дейді жолаушылар. Тіпті жаңа өзгеріске қарсылық танытқан қыз-келіншектер петиция жазбақ. Айта кетейік, енді мұндай құралдарды міндетті түрде жүкпен өткізу керек. Тиісті бұйрық 13 тамыздан бастап өз күшіне енеді. НАЗЕРКЕ ҮКІБАСОВА, тілші: – Іс-сапарларға ауыр жүк арқаламай шығуды әдетке айналдырған тұрғындарға енді қол сөмкесіндегі құралдардың тізімін азайтуға тура келеді. Бұдан былай ұшақтың ішіне сыйымдылығы 100 миллилитрден асатын мынадай құтылардағы сусабын, душқа арналған гельдер, қырынуға арналған көбік, әтір сулар алып кіруге болмайды. Сондай-ақ, бұқтырылған және тұздығы көп тамақтар, макарон өнімдерін және суды өткізуге тыйым салынады. Ауыз суды әуежайдың ішінен ғана сатып алып, ұшақ ішіне кіргізуге рұқсат етіледі. Әрі дәрі-дәрмек, балалардың тамағын қол сөмкемен алып жүруге рұқсат бар. Бірақ, бұл өзгерістерді құптаған жолаушылар кемде-кем. Демек, жолаушыларға гигиеналық құралдарды жүкке салып өткізу керек. Бұл тек қол жүгі ғана қарастырылған билетке төлеп үйренгендерге қосымша шығын екені айдан анық. Айта кетсек, қол сөмкеге салуға тыйым салынған заттардан бөлек, багажға артуға болмайтын дүниелер қатары да кеңейді. Енді Қазақстанда ұшаққа отырғыңыз келсе жүкке электронды темекі, батареяларының қуаты 100 ватттан асатын ноутбук, сағат, ұялы телефон, фотоаппарат салып кіре алмайсыз. Мамандар сөзінше бұл өрт қауіпсіздігінің алдын алады. ГҮЛНАР АЙТМҰХАНОВА, Қазақстан авиациялық әкімшілігі авиациялық қауіпсіздікті оқыту басқармасының авиациялық инспекторы: – Ноутбуктар, ұялы телефондар, литиондық батарея салынған болғасын оны багажда алып жүруге болмайды. Оны тек қол жүгінде алып жүруге болады. Ол литиондық батарея ауа қысымымен жарылуы мүмкін. Өйткені биіктікке көтерілгенде ауа қысымы басқа болады. Өрт қаупі жоғары болғандықтан багажға салуға болмайды. Айта кетейік, жаңа ережелер 13 тамыздан бастап күшіне енеді. Бізді әлеуметтік желіде оқыңыздар: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 Біздің сайт: www.31.kz және www.informburo.kz Біздің WhatsApp +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
