Жаңаөзендік тұрғындар мен қоғам белсенділері наразылықта тұрған мұнайшылардың талабымен келіспейді
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Жаңаөзендік тұрғындар мен қоғам белсенділері бірнеше күннен бері наразылықта тұрған мұнайшылардың талабымен келіспейді. Өйткені, «ӨзенМұнайГаз» компаниясының бұрғышыларының зейнетке шыққан және денсаулығы нашарлаған жұмысшылардың балаларын штатқа алсын деуі дұрыс емес дейді. Ал әкімдіктің мәліметінше, Жаңаөзендегі жұмысқа орналасу кезегінде 11 мыңнан астам адам тұр екен. «ӨзенМұнайГаз» компаниясының бұрғылау жұмыстары басқармасы қызметкерлерінің талап қойып шыққандарына төртінші күн. Мұнайшылар зейнеткерлер мен денсаулығы нашарлаған жұмысшылардың балаларын штатқа алсын деп отыр. БЖБ мекемесі жұмыстарын тоқтатып тұр. 7 ай бұрын жазған талаптар әлі шешілген жоқ. Жаңаөзендіктер бұрғышылардың бұл талабымен келіспейді. Аймақтың белсенділері де жігіттер бұл жолы шектен шықты деп отыр. Әкімдіктің мәліметіне сүйенсек, Жаңаөзеннің 12 мыңға жуық тұрғыны мұнай саласына жұмысқа орналасу кезегінде тұр. АҚТҮЙМЕШ САҚТАҒАНОВА, Жаңаөзен қаласының тұрғыны: БЖБ мекемесі айқай шығарып жатыр балаларын штатқа алсын деп, о не масқара? Не олардың әкелері мен түсінемін еңбегі сіңген шығар, алмасын демеймін, алсын. Біз құсап тізімге тұрсын, очередьпен кірсін. Олар кім болыпты штатқа барып? Сонда біз күтіп тұра береміз ба? Осы бір түйір баламды жұмысқа алдырайын деп шырылдап жүрмін. 6 жыл болды тізімде тұр. АҚМАРАЛ ӨТКЕЛБАЕВА, қоғам белсендісі: Айқай-шу шығарған адамның, забастовкаға тұрған адамның балалары мұнайға кіре береді. Қарапайым халықтың баласы кірмей ме сонда? Вообще ұят нәрсе, тұрған жігіттер не ойлап тұрсыңдар? Сондай-ақ, бұрғышылар ұжымдық шартқа 30 пайыз қосымша жалақы төлеу тәртібін енгізуді, жұмысқа жарамсыз қызметкерлерді 58 жастан бастап зейнетке шығаруды сұрайды. Одан бөлек, машинистер мен операторларды алтыншы-жетінші дәрежеге көтеріп, екінші көмекші қоссын деп отыр. Одан бөлек, арнайы техниканы жөндейтін мың орындық база салынсын дейді. Ал «ҚазМұнайГаз» ұлттық компаниясының өкілдерінің айтар өз уәжі бар. ЕРЛАН СИСЕНОВ, «ҚАЗМҰНАЙГАЗ» ҰК АҚ баспасөз қызметінің басшысы: ӨМГ зейнеткерлерінің балалары компанияның штатына тікелей алынса, 2020 жылы бекітілген жұмысқа орналасу алгоритмін бұзады. Алгоритмге сәйкес ӨМГ зейнеткерлерінің балалары мен жұмыссыз азаматтар 50/50 пропорциясы бойынша тең дәрежеде жұмысқа қабылданады. Бұл талапты орындау мүмкін емес. Сондай-ақ, ӨМГ жұмысшыларының жалақысына жыл сайын индексация жүргізіледі. Бұл өңірдегі басқа мұнай өндіруші кәсіпорындардағы орташа жалақыдан асады. Ұлттық компания жөндеу базасын салу тиімсіз деп санайды. Өйткені техникалар онсыз да жаңартылып жатыр дегенді алға тартады. Сондай-ақ, "ӨзенМұнайГаз" жұмысшыларына қазірдің өзінде жақсы әлеуметтік жағдай жасалғанын жеткізді. ------------------------------------------------- Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Біз барлық әлеуметтік желідеміз, тіркеліңіз: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
