"Қаратерең" туристік кешен.

Қарақалпақстан Республикасының Тахтакөпір ауданындағы Дәуқара елінде үлкен қуаныш, үлкен той. Халықтың рухани демалатын, әрі азық қоры саналатын киелі Қаратерең көлінің жағасында, талай тарихты өзінде бүгіп жатқан Бөршетаудың бөктерінде этно-мәдени туристік кешен жұмыс бастады. Бұдан бірнеше жыл бұрын қараусыз жатқан аумаққа Призиденттің назары түсіп, арнайы жарлық негізінде абаттандырылды. Кешенге алып баратын 18 километрлік жолға асфальт төселді, жарытқыш бағандары орнатылып, электр энергиясымен тұрақты қамтамасыз ететін жаңа трансформатор орнатылды. Сонымен қатар 11 километр жерге сым тартылып, су тазарту қондырғысы орнатылды. Көлдің жағасы көгалдырылды, көптеген сәндік және жеміс ағаштары отырғызылып, айналаға көп жылдық әсем гүлдер егілді. Түбі бір түркі халықтарының ғасырлар бойы қалыптасқан мәдени құндылықтарын айқындайтын нысандар құрылды. Атап айтқанда Орта Азияда жалғыз 20 диаметрді құрайтын 4 киіз үй тігілді. Одан басқа он заманалық жағдай жаратылған 10 киіз үй, бірнеше үйшік құрылып, қаратерең жағалауына келетін демалушылар мен саяхатшылар жақсы демалуы үшін мүмкіндік жаратылды. Кешеннен орын алған спорт алаңдары, амфитеатр, тікұшақ қонатын жер, пляж, сыртқы және ішкі душ, жазғы терассалар тарихи жерге келетін саяхатшылардың ағымын бұдан да арттыруына қызмет етеді. Одан басқа көлде тазалық пен ұқыптылықты қамтамасыз ету үшін арнайы акватория, жалғыз аяқ жолдар, бәрі бәрі де заман талабына сай. Бәрінен де арнайы әкелінген яхта мен квадрацикльдер, тауда саяхаттайтын жылқылар мен түйелер ашық аспан астындағы этно туристік кешенге шырай беруде. Атқарылған игі істердің нәтижесінде енді тахтакөпірлік жүзден астам адам үшін жаңа жұмыс орны жаратылды. Ал Бөршетаудың шыңына алып шығатын 272 баспалдақтан тұратын канструкция алаңға өзгеше көрік пен мүмкіндік беріп тұр. Аталмыш кешеннің ашылуы шынында да республика деңгейінда атап өтілген дүбірлі тойға жалғасты. Республикамыздың түкпір-түкпірінен, тіпті атажұртқа қоныс аударған отандастарымыз да арнайы келіп, ғажайып ғаламаттың ашылуына куә болды. 15 қазан күні ресми ашылу салтанаты өтті. Онда жастар сейілі, "Халықтар достығы", сондай-ақ “YURTA-FEST” фестивалдері ұйымдастырылса, 16 қазан күні түрлі ұлттардың мәдени шаралары, көптеген көрмелер, фальклорлық жанрдағы қойлымдармен байытылған концерттік бағдарламалар болды. Этно мәдени және рухани-ағарту шараларына бесіктегі баладан төрдегі қарияға дейін қатысып, дүбірі Орталық Азияның барлық аумағында тілге алынып жатқан Гиннестің рекордтар кітабына енген киіз үйге кіріп дәм татты. Аталмыш шараға жергілікті және шет елдік БАҚ өкілдері, сондай-ақ көптеген блогерлер де қатысты.