Әбілхан Қастеевтің Музей-үйі

Құрметті өнер сүйер қауым! Сіздердің назарларыңызға Қазақстанның Халық суретшісі Ш.Уәлиханов атындағы Мемлекеттік сыйлығының иегері Ә.Қастеевтің (1904-1973) шығармашылығы мен өмірінің соңғы он бес жыл тұрып, еңбек еткен жеке үйі туралы мағлұматтар ұсынылады. «Ә.Қастеев еңбектері Қазақстанның жанды шежіресі іспетті» оның қайталанбас қолтаңбасы артынан қалдырған өміршең мұраларын ғылыми тұрғыдан зерттеп, зерделеп жастарымызға, үлкен-кішге түгел таныстыруымыз керек. Ә.Қастеевтің рухани дүниесі – қазақ өнерінің өмір тіршілігінің тынысы. Суретші өз елінің табиғатының сұлулығын, адамдарының даралығы мен даналығын дәл бейнелеген. Ә.Қастеев- этнограф әрі зерттеуші, зергер суретші.Оның жасаған ұлы тұлғалары көркем шығармада әсерлі бейнеленуі бізді бабаларымызбен тікелей жүздестіретіндей болады. Кенесары батыр, Амангелді Иманов, дүлділ жыршы Сүйінбай Аронұлы, Біржан сал, т.б. алып тұлғаларды дүниеге әкелген. Оның қазақ халқына, тарихына арналған көркем шығармалары алтын қазынамызға айналып отыр. Дәрісті жүргізуші- Ә.Қастеев атындағы МӨМ ғылыми қызметкері Жұбанова Гүлнұр Алпысбайқызы Бiз бiргемiз! #kasteyev_онлайн #ONLINEdaBol #Өнеронлайн Меньше